Qırım Müftiliginde bölgelerniñ baş imamlarınen körüşüv olıp keçti (FOTO) - ЦРО ДУМКЦРО ДУМК

Вторник

19

октября

13
Ребиу'ль-эвель
1443 | 2021
Утр.5:38
Вос.6:54
Обед.12:33
Пол.15:23
Веч.18:01
Ноч.19:17
Времена намазов
Календарь 2021г

Намаз

Qırım Müftiliginde bölgelerniñ baş imamlarınen körüşüv olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayev bölgelerniñ baş imamlarınen körüşti. İş körüşüvi esnasında diniy hadimler keçken aylarda bölgelerinde yapılğan iş boyunca esabat berdiler ve sentâbr ayına planlarnı tizdiler.

Hususan, Qırım camilerinde erkekler, qadınlar ve balalar içün yañıdan İslâm temelleri kurslarınıñ açılması, “Halq medresesiniñ” işi, “Balanı mektepke azırla” hayriye aktsiyası ve qoranta başlığını coyğan muhtac qorantalarğa kösterilgen yardımlar aqqında tarif etildi.

Müftilikniñ qurucılıq ve topraq meseleleri bölügi ile birlikte imamlar camilerniñ qurucılığı içün topraqnıñ ve cami binalarınıñ resmiyleştirilüvi boyunca “iş haritasını” işlep tizdiler.

Qırım ve Sevastopol Müftisiniñ muavinleri Raim Ğafarov ve Ayder İsmailov tefsir boyunca dersler keçirdiler.

İş körüşüviniñ soñunda din erbapları bölgelerde pandemiyanen bağlı vaziyet boyunca haber ettiler, tedaviylenüvde olğanlar içün dua oqudılar ve bu dünyanı terk etkenler içün Allahtan rahmet soradılar.

Qırım ve Sevastopol Müftisi hacı Emirali Ablayev imamlarğa sağlıq tiledi ve ealinen koronavirus infektsiyasınen bağlı añlatuv işlerini devam etmege tevsiye etti.

Qırım MDİ matbuat hızmeti