Qırım Müftiligi ve AVN TUR hacılıq operatorı 2021 sene içün hacılıqqa yazılmağa davet eteler - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

Qırım Müftiligi ve AVN TUR hacılıq operatorı 2021 sene içün hacılıqqa yazılmağa davet eteler

Опубликовано:

2021 senesiniñ hacılığına azırlıq işlerini körip, musulmanlarnı Saudiye Arabistan Memleketinde yerleşken muqaddes Mekke ve Medinege şeerlerine yollamaq içün, Qırım Cumhuriyeti ve Sevatopol şeeri musulmanları diniy idaresiniñ resmiy hacılıq operatorı AVN TUR 2021 senesi hac ibadetini yerine ketirmege istegen er bir musulmannı elektron nevbet cedveline yazılmağa davet ete.

2020 senesi hacılıqqa yazılğanlar artıq cedvelge kirsetildi.

Elektron cedvelge yazılmaq içün telefon bağı, messencer ya da avntour.ru resmiy sayt vastasınen kontakt malümatnı qaldırmaq kerek.

Bundan soñ menecerler Siznen bağlanıp, qalğan bilgilerni Sizden alır.

Yazılmaq içün kontaktlar:

+79780908202; +79257158485;

avntour.ru;

email: avn.tourism@gmail.com

Elektron cedvel ağımki epidemiologik şarait ve Saudiye Arabistan Memleketiniñ talapları köz ögüne alınaraq, 2021 senesi hacılığını yerine ketirmek içün tertip etile.

Saudiye Arabistanı Memleketi 2021 senesi hacılıqqa barmağa istegenler içün defalarca özüniñ kün evel yerine ketirilecek şartlarını açıqladı. Olardan eñ müimleri:

– COVID19 koronavirus hastalığına qarşı aşılanğannı tasdiq etken sertifikat;

– Yaş 18-65 arasında olmalı;

– Biometrik pasportınıñ yañı nushası olmalı (10 yıllıq).

DİQQAT! Koronavirus hastalığına qarşı aşılav 2 qısımdan ibaret olğanı içün, bu eki aşılamanı almaq içün üç afta kerek, şu sebepten aşılavnı 2021 senesi, iyün ayınıñ ortasına qadar yapmalı.

Aşılavğa Gosuslugi portalında ve yaşağan yeriñizde ambulatoriya ya da hastahanede yazılmaq mümkün.

Aşılavğa yazılmaq meselesinde tafsilâtlı malümat almaq içün nevbetteki saifege keçmege tevsiye etemiz:

Gosuslugi portalı: https://www.gosuslugi.ru/landing/vaccination

Koronavirusqa qarşı aşılavğa yazılmaq içün video-instruktsiya nevbetteki bağlantı boyunca:

Yañı şekilinde hariciy pasport almaq içün kün evel Gosuslugi portalına muracaat etmeli. Tafsilâtlı malümat aşağıdaki bağlantı boyunca:

Gosuslugi portalı: https://www.gosuslugi.ru/10005

Gosuslugi arqalı hariciy pasport almaq videoinstuktsiyası içün aşağıdaki bağlantığa muracaat etiñiz:

QMDİ resmiy hacılıq operatorı AVN TUR

Gosuslugi portalı, gosuslugi.ru

Qırım MDİ matbuat hızmeti