Qırım Müftiligi şartlı olaraq maküm etilgen musulmanlar içün lektsiyalar silsilesini devam ettire (FOTO) - ЦРО ДУМКЦРО ДУМК

Пятница

05

июня

13
Шевваль
1441 | 2020
Утр.2:54
Вос.4:48
Обед.12:47
Пол.16:50
Веч.20:36
Ноч.22:29
Времена намазов
Календари 2020г

Намаз

Qırım Müftiligi şartlı olaraq maküm etilgen musulmanlar içün lektsiyalar silsilesini devam ettire (FOTO)

Опубликовано:

Qırım Müftisiniñ yardımcısı, Aqmescit şeeriniñ baş imamı Muhammed İslamov cemiyetten alâqası kesilmesinen bağlı olmayıp, şartlı olaraq maküm etilgenlerniñ diniy-ahlâqiy doğrultılması maqsadınen “Din temelleri kütülmesiniñ ve ekstremizm ile terrorizmniñ darqatıluvına yol berilmemesiniñ emiyeti” ve “İslâmda oraza, Ramazanğa azırlanuv” mevzularında lektsiyalar oqudı. Hususan, Muhammed İslamov iştirakçilerge İslâmda Mubarek Üç aylar ve olarnıñ emiyeti aqqında tarif etti.

Muhammed İslamovnıñ sözlerine köre, lektsiya devamında ayrı diqqat musulmanlarnıñ amellerine ve olarnıñ özlerini alıp baruv tarzlarına ayırıldı.

“Çoqça eyi işler yapmaq, menfiyliklerden vazgeçmek, nümüneli musulmanlar ve vatandaşlar olmaq, camilerni ziyaret etmek ve diniy bilgilerni tek işançlı menbalardan almaq kerek. Etrafta çoq menfiylikler bar, ve insannıñ belâğa tüşmemesi içün bilgilerini ehil, vazifesini bilgen imamlardan ve resmiy diniy idarelerden almalı. Böyle salahiyetli qurum – Qırım Cumhuriyeti ve Sevastopol şeeri musulmanları diniy idaresidir”, – dep, qayd etti Muhammed İslamov.

Lektsiyada Aqmescit rayonı ve Aqmescit şeeriniñ Merkeziy ve Kiyev rayonları şübesinde ve Rusiyeniñ FKU Uİİ ÜFSİN Qırım Cumhuriyeti ve Sevastopol şeeriniñ cezalarnı icra etüv ve cinaiy-uquqiy diger icra etüv usulları boyunca bölüginde qaydlı olğan apisliler iştirak ettiler.

QMDİ matbuat hızmeti