Qırım Müftiligi şartlı mahküm etilgen musulmanlar içün lektsiyalarnı ğayrıdan keçire (FOTO) - ЦРО ДУМКЦРО ДУМК

Пн

26

октября

9
Ребиу'ль-эвель
1442 | 2020
Утр.5:47
Вос.7:04
Обед.12:32
Пол.15:14
Веч.17:50
Ноч.19:07
Времена намазов
Календари 2020г

Намаз

Qırım Müftiligi şartlı mahküm etilgen musulmanlar içün lektsiyalarnı ğayrıdan keçire (FOTO)

Опубликовано:

Pandemiyanen bağlı sıñırlavlardan sebep berilgen aradan soñ, Qırım Cumhuriyeti ve Sevastopol şeeri ÜFSİN-niñ Qırım Cumhuriyeti ve Sevastopol şeeri musulmanları diniy idaresinen beraber planlaştırılğan lektsiyalar çerçivesinde nevbetteki ders olıp keçti.

Dersni Qırım Müftisiniñ ÜFSİN ile işbirlik boyunca yardımcısı, Aqmescit şeeriniñ baş imamı Muhammed İslâmov alıp bardı. Lektsiyanıñ mevzusı – dinlerara ve milletlerara munasebetler içinde şahıslarnıñ özara munasebetleri oldı.

“Farqlı milletlerge mensüp insanlarnıñ özara munasebetleri muzakereler ve kompromissni közde tutqan hususiy dinlerara dialogına kirmektedir. Er bir dinlerara dialog biri-birini añlamaq, içtimaiy ve etnokonfessional barışıqlıqnı teminlenmek maqsadınen alıp barılmaq kerek”, – dep, öz lektsiyasında qayd etti Muhammed İslâmov.

Mahküm etilgenler suhbette faal iştirak etip, olarnı meraqlandırğan suallerni berdiler.

Ayrı diqqat covid-19 virus infektsiyasınıñ profilaktikası ve darqalmaması içün közetilecek tedbirlerge riayet etmek kerekligine ayırıldı.

“Al-ı azırda şekillengen şartlar sebebinden biz şahsiy temizlikke riayet meselesini de muzakere ettik. Musulman bir kişi etrafında olğan er şeyni temiz tutmalı. Yüce Rabbimiz Quranda böyle dey: “Şübesiz, Allah tövbe etkenlerni ve temizlengenlerni seve” (“Baqara” suresi, 222 ayet). Biz şahsiy temizlik meselesinde er zaman emiyet bermek kerekmiz, pandemiya zamanında ise, daa çoq diqqat ayırmalımız”, – dedi Muhammed İslâmov.

2020 senesiniñ soñuna qadar, böylece, İslâm temelleri ve maneviy-ahlâqiy terbiye meselesinen bağlı bir sıra lektsiyalarnıñ keçirilüvi planlaştırıla.

QMDİ matbuat hızmeti