Qırım Müftiligi "Rusiye musulmanlarınıñ diniy mirası" forumında iştirak ete (FOTO) - ЦРО ДУМКЦРО ДУМК

Среда

25

ноября

9
Ребиу'ль-ахир
1442 | 2020
Утр.6:22
Вос.7:44
Обед.12:35
Пол.14:47
Веч.17:16
Ноч.18:39
Времена намазов
Календари 2020г

Намаз

Qırım Müftiligi “Rusiye musulmanlarınıñ diniy mirası” forumında iştirak ete (FOTO)

Опубликовано:

Bulğar İslâm akademiyasında “Rusiye musulmanlarınıñ diniy mirası” serlevhalı ekinci halqara forum işini devam etmekte.

Forumda Qırım Müftisiniñ muavini Esadullah Bairov iştirak ete. İştirakçileri ögündeki öz çıqışında o, qayd etti ki, Bulğar akademiyası İslâm fikirini, onıñ tarihı ve ilerilemesini şekillendirgen ve ögrengen insanlarnı celp etici merkezge çevirile.

“İslâm fikiri turğun ve deñişmegen bir şey degil, aksine, o, bir canlı kibidir, musulman cemiyetinde yaşamaqta ve zemaneniñ bütün talaplarına reaktsiya bermektedir. Öz tamırlarına, adetlerine baglı qalıp, aynı vaqıtta şimdiki künniñ müşküllerine cevap bermek içün yeterince çevik olmaq kerek, işte, bu – künümiz içün qıyın bir şey”, – dedi Esadullah Bairov.

Tedbir oktâbr 30 kününe qadar devam etecek. Esas mevzular arasında – Rusiye imperiyasınnıñ musulman üleması mirasınıñ ögrenilmesinde ananeviy baqış ve yañı usullar, musulman cemiyetinde din içindeki dialog, radikalizmni yeñüv, fetva çıqaruv usuliyeti v.s.

İşbu forumda din alimleri, islâmşınaslar, dinşınaslar, ilâhiyatçılar, tarihçılar, ilmiy ve tahsil teşkilâtlarnıñ temsilcileri, aliy oquv yurtlarınıñ ocaları ve talebeleri iştirak eteler.

QMDİ matbuat hızmeti