Qırım Müftiligi Qırımdan sürgün etilgen halqlarnıñ hatırasını añdı (FOTO) - ЦРО ДУМКЦРО ДУМК

Суббота

27

ноября

22
Ребиу'ль-ахир
1443 | 2021
Утр.6:24
Вос.7:47
Обед.12:36
Пол.14:46
Веч.17:15
Ноч.18:38
Времена намазов
Календарь 2021г

Намаз

Qırım Müftiligi Qırımdan sürgün etilgen halqlarnıñ hatırasını añdı (FOTO)

Опубликовано:

Qırımda bulğar, yunan ve ermeni halqlarınıñ Stalin tarafından zorbalıqnen yarımadadan sürgün etilmesine bağışlanğan matem tedbirleri keçirile.

Bağçasaray rayonındaki “Süren stantsiyası” hatıra külliyesinde Qırımdan sürgün etilgen halqlarnıñ hatırası añıldı.

Tedbirde Qırım Müftisiniñ muavini Raim Ğafarov, rayon ve şeer akimiyeti, bulğar, ermeni ve yunan cemiyetleriniñ azaları, yerli sakinler iştirak ettiler.

Tedbir iştirakçileri sürgünlik qurbanlarınıñ hatırasına memorial tahtanıñ yanına güller qoydılar.

Qırım Müftisiniñ muavini Raim Ğafarov sürgün etilgen halqlarnıñ temsilcilerine Qırım Müftisi hacı Emirali Ablayev adından taziye bildirdi.

“Biz mında tuvğan toprağı Qırımdan sürgün etilgen insanlarnıñ hatırasını añmaq içün toplandıq, güllernen keldik, çünki er birimiz şu topraqnıñ çeçegimiz. Şu çeçeklerni bir-birine bir zemin – urf-adetlerimiz, tarihımız, qıymetlerimiz bağlay. Ve biz tarihımıznıñ qara künlerini unutmamaq kerekmiz, Vatanda birlikte yaşap, buña sevinmek, böyle facialarnıñ tekrarlanmaması içün dua etmelimiz”, – dedi Raim Ğafarov.

Bundan da ğayrı, o, Bulğaristan eyyetine bulğar tilinde muracaat etip, qırımtatar milleti ile umumiy keder eki halqnı birlikte inkişaf etmek içün birleştire.

Tedbirniñ soñunda Raim Ğafarov dua oqudı.

1944 senesi, iyün 24 künü Qırımdan ermeniler, bulğarlar ve yunanlar sürgün etilip başladı.

Qırım MDİ matbuat hızmeti