Qırım Müftiligi Noman Çelebicihanğa bağışlanğan yarışnı keçirecek - ЦРО ДУМКЦРО ДУМК

Среда

28

июля

18
Зуль-хидждже
1442 | 2021
Утр.3:34
Вос.5:14
Обед.12:54
Пол.16:52
Веч.20:25
Ноч.22:05
Времена намазов
Календарь 2021г

Намаз

Qırım Müftiligi Noman Çelebicihanğa bağışlanğan yarışnı keçirecek

Опубликовано:

Qırımda Qırım Cumhuriyeti ve Sevastopol şeeriniñ mektep talebeleri arasında Noman Çelebicihannıñ Hatıra kününe bağışlanğan edebiy yarış ötkerilecek.

Yarış teşkilâtçısı – Qırım Cumhuriyeti ve Sevastopol şeeri musulmanları diniy idaresi (Tavriya Müftiligi), Qırım Cumhuriyetiniñ tahsil, ilim ve yaşlar nazirligi yarışnıñ ötkerilmesine destek köstere.

“Ebediy yüreklerimizde” mektep inşaları yarışı oqutuv qırımtatar ve rus tilinde alıp barılğan umumtahsil mekteplerniñ talebeleri arasında keçirilecek.

Yarış şartları boyunca işler qırımtatar tilinde yazılmaq kerek.

Yarışnıñ maqsadı – tarihiy ve medeniy tamırlarnı ögrenmek, olıp keçken vaqia ve adiselerge qıymet kesmek istidadını ögrenmek, vatanperver duyğularnı aşlamaq, Vatannıñ yekâne olğanını, taqdirini, onen bağlılıqnı qavramaq, cemiyette ve devlette olıp keçkenlerden cevapkâr olğanımıznı añlamaqtır.

İşler 2021 senesiniñ fevral 12 kününe qadar qabul etilecek. Yarış neticeleriniñ belgilenmesi ve ğaliplerniñ ilân etilüvi fevral 23 künü olıp keçecek. İşler ilyasovagulnara89@gmail.com adresi boyunca qabul etilecek.

Bundan da ğayrı, işlerge ilâve olaraq, iştirakçi anketanı toldurmaq kerek (ilâveni baq).

Yarışqa yollanılğan işniñ kölemi – A4 formatında 5 saifeden ziyade olmamalı, şrift – Times New Roman, interval – 1,5, büyükligi – 14, bütün çetleri – 2 sm.

Qırım MDİ matbuat hızmeti

İlâve

“Ebediy yüreklerimizde”

Qırım Cumhuriyetiniñ oqutuv rus ve qırımtatar tilinde alıp barılğan umumtahsil mektep talebeleri arasında inşa yarışı iştirakçisiniñ anketası

Noman Çelebicihannıñ Hatıra kününe bağışlana

 

Soy adı, adı, babanıñ adı
Doğğan yılı
OM №, sınıf
SAB ve rehber ocanıñ vazifesi, telefon nomerası
İnşa serlevhası
Yarış iştirakçisiniñ telefon nomerası
Elektron poçtasınıñ adresi