Qırım Müftiligi migrantlarnıñ içtimaiy-medeniy adaptatsiyası ve integratsiyası boyunca muşaverede iştirak etti (FOTO) - ЦРО ДУМКЦРО ДУМК

Суббота

27

ноября

22
Ребиу'ль-ахир
1443 | 2021
Утр.6:24
Вос.7:47
Обед.12:36
Пол.14:46
Веч.17:15
Ноч.18:38
Времена намазов
Календарь 2021г

Намаз

Qırım Müftiligi migrantlarnıñ içtimaiy-medeniy adaptatsiyası ve integratsiyası boyunca muşaverede iştirak etti (FOTO)

Опубликовано:

Qırım Müftisiniñ muavini Raim Ğafarov “Migrantlarnıñ adaptatsiyası ve integratsiyasında milliy-medeniy ve cemaat birleşmelerniñ rolü” mevzulı seminar-muşaverede iştirak etti. Tedbir Qırım Cumhuriyetiniñ milletlerara munasebetler komitetinde olıp keçti.

Seminar-muşaverede Qırım Cumhuriyeti ve münitsipalitetler boyunca İçki işler nazirliginiñ, Qırım Cumhuriyeti boyunca İçki işler nazirliginiñ ekstremizmge qarşı merkezniñ, Qırım Cumhuriyeti ve Sevastopol şeeri musulmanları diniy idaresiniñ vekilleri ve milliy-medeniy, cemaat ve diniy teşkilâtlarnıñ rehberleri ve vekilleri iştirak ettiler.

İştirakçiler etnik diasporaları, milliy-medeniy avtonomiyalar ve diniy teşkilâtlar rehberleriniñ çetelden kelgen vatandaşlar ile añlatuv ve profilaktika işleriniñ alıp barılması meselesini muzakere ettiler.

Qırım Müftisiniñ muavini Raim Ğafarov bildirgenine köre, Qırım Cumhuriyeti ve Sevastopol şeeri musulmanları diniy idaresi erkânında “Yurt” konsultativ-uquqiy merkezi çalışa, merkez sürgün etilgen insanlarnıñ vatandaşlıq almaları, migratsiya ve qayd etilüv vesiqalarınıñ alınması ve resmiyleştirilmesi ve bunıñ kibi diger meseleler boyunca bedava uquqiy konsultatsiya destegini köstere.

Buña ilâve olaraq, seminarda Prezidentniñ 15.06.2021 tarihta çıqarılğan № 364 Fermanı muzakere etildi. Şu fermanğa binayen 2021 senesiniñ sentâr 30-ına qadar Rusiye Federatsiyasında bulunğan diger devletlerniñ vatandaşları ve vatandaşlığı olmağan insanlar (bazı kategoriyadaki çetel vatandaşlarından ğayrı) boyunca Rusiye Federatsiyası saasından mecburiy şekilde sürgün etilmeleri ve mustaqil şekilde Rusiyeden çıqarılmaları boyunca qararlar alınmaycaq.

2021 senesi, iyün 16 kününe qadar Rusiye Federatsiyası saasında bulunuv izini olmağan insanlar olarnıñ uquqiy statusınıñ belgilenüvi meselesi baqılması içün İçki işler nazirligine muracaat etmek ya da Rusiyeni terk etmek aqqına saipler.

Böylece, mezkür Fermanğa binayen, 2021 senesiniñ sentâbr 30-ına qadar Rusiyede izinsiz bulunğan er keske Rusiye Federatsiyasında bulunmaq içün resmiy vesiqalarnı resmiyleştirmek imkânı berile.

Qırım MDİ matbuat hızmeti