Qırım Müftiligi Mekkedeki Hacılıq-2019 muşaveresinde iştirak etti (FOTO) - ЦРО ДУМКЦРО ДУМК

Среда

04

августа

25
Зуль-хидждже
1442 | 2021
Утр.3:47
Вос.5:22
Обед.12:54
Пол.16:49
Веч.20:16
Ноч.21:51
Времена намазов
Календарь 2021г

Намаз

Qırım Müftiligi Mekkedeki Hacılıq-2019 muşaveresinde iştirak etti (FOTO)

Опубликовано:

Mekkede, Rusiye hacılıq missiyasınıñ vekilleri ve Saudiya Arabistan hacılıq nazirliginiñ körüşüvi olıp keçti. Körüşüvni nazir muavini Abdulfattah bin Suleyman Maşşat keçirdi. Rusiye hacılıq missiyasında Çeçenistan Müftisi Mejiyev Salah Mitayeviç yolbaşçılıq etti. Qırım Cümhuriyetini Qırım Müftisiniñ muavini Esadullah Bairov ve AVN-Tur Qırım hacılıq-operatorınıñ reberi Artur Reşitov temsil ettiler. Bundan da ğayrı, muşaverede Rusiyeniñ, hususan, Qırımnıñ, hacılıq operatorlarınıñ temsilcileri iştirak etti.

Esadullah Bairovnıñ sözlerine köre, muşavere çerçivesinde 2019 senesi hacılıq mevsiminiñ teşkiliy sualleri muzakere etildi ve 2018 senesi keçirilgen hacılıqnıñ neticeleri çıqarıldı.

Esadullah Bairov: “Mekke ziyareti devamında bir sıra añlaşmalar tizildi, çünki bizim içün eñ müimi – hacılarımıznıñ bütün hacılıq devamında oñaytsızlıq duymamasıdır”, – dep ayttı.

RF Hacılıq missiyasınıñ eyyeti nakab reberi Abdurahmanom al-Harbi ile körüşti.

Nakabnıñ vazifesi – hacılarnı qarşılamaqnıñ teşkil etilüvi, ötelge qadar ozğarıluvı, Mekke ve Medinede hacılıq merasimleri olıp keçken yerlerge qadar alıp ketirilüvidir.

İş körüşüvi çerçivesinde iştirakçiler naqliye ve yaqarlıq fiyatınıñ paalaşuvı, Mina ve Müzdelife vadiylerinde çadırlarda yaşav şaraitleri ve o yerlerge qadar alıp ketirilüvi muzakere etildi. Fiyatlar 20% qadar köterildi ve bu hacılıq turınıñ paalışuvına tesir etecektir.

Bundan da ğayrı, Rusiye Federatsiyası cümhuriyetleri içün kvotalar muzakere etildi. Belli olğanı kibi, Qırımnıñ kvotası 600 yerni teşkil etken edi. AVN-Tur Qırım hacılıq-operatorınıñ reberi Artur Reşitovnıñ sözlerine köre, hacılıq ibadetini yerine ketirmege istegenlerniñ sayısı artqanı içün, Qırım müsulmanları Diniy İdaresi RF hacılıq missiyasına muracaat etip, kvotanı 1000 yerge qadar arttırmağa rica etmege niyetinde. Rusiye hacılıq missiyasınıñ nevbetteki toplaşuvı fevral ayınıñ başında Moskva şeerinde keçirilecek.

QMDİ matbuat hızmeti