Qırım Müftiligi kütleviy ibadetlerni toqtata - ЦРО ДУМКЦРО ДУМК

Пятница

05

июня

13
Шевваль
1441 | 2020
Утр.2:54
Вос.4:48
Обед.12:47
Пол.16:50
Веч.20:36
Ноч.22:29
Времена намазов
Календари 2020г

Намаз

Qırım Müftiligi kütleviy ibadetlerni toqtata

Опубликовано:

Qırım Cumhuriyeti ve Sevastopol şeeri musulmanları diniy idaresi 2020 senesi, aprel 12 kününe qadar Qırım camilerinde cuma ile cemaat namazlarınıñ ve bütün maarif ve tasil tedbirleriniñ toqtatılmasını bildire.

Bundan da ğayrı, 2020 senesi, aprel 12 kününe qadar Qırım Müftisiniñ emiri ile ananeviy diniy tedbirlerniñ – dua merasimleriniñ, ad qoyuv ve nikâh tedbirleriniñ keçirilmesi toqtatıla. Cenaze namazları uzatılmayıp, mümkün olğanı qadar tez, bütün havfsızlıq qaidelerine riayet etilerek, beden teması ve masafaha, el tutuşuv olmadan keçirilmeli.

2020 senesi, aprel 12 kününe qadar Hacı İhsan adına İslâm ilimleri Qalay medresesi işini toqtata.

İmamlarğa müminlerni yuqarıda añılğan ve diger cemaatnen yapıla turğan tedbirlerden vazgeçmege çağırmaq ve hastalıqnıñ ögüni almaqnen alâqalı añlatuvlar keçirmek tevsiye etile.

Qırım Cumhuriyeti ve Sevastopol şeeri musulmanları diniy idaresinde “acele bağ” teşkil etildi. İş künleri saat 10:00-17:00 arasında +7978 074 18 47 telefon hattı ile diniy suallerni cevaplamaq ve diger acele meselelerni çezmek içün nevbet teşkil etildi.

Qırım Müftisiniñ fermanı Qırım Cumhuriyeti ve Sevastopol şeeriniñ bütün saasında yürürlikke kire ve 2020 senesi, aprel 12 kününe qadar devam ete. Zaruriyetke köre, işbu fermannıñ yürürligi devam ettirilecek.

İşbu tedbirler COVID-19 infektsiyasınıñ darqaması telükesi ve Qırım Cumhuriyetinde birinci hastanıñ aşkâr etilmesi sebebinen, hastalıqnıñ büyük derecede, hususan, esli insanlar içün havflı olğanı esapqa alınaraq, Quran-ı Kerimniñ “Özüñizni telükege atmañız” (“Baqara” suresi, 2/195 ayet) ayetine ve Muhammed Peyğamberniñ (s.a.s.) tevsiyelerine esaslanaraq, ve Qırım Cumhuriyeti Başlığınıñ 2020 senesi, mart 17 künündeki №63-U fermanına binaen alındı.

QMDİ Matbuat hızmeti