Qırım Müftiligi İslâm tahsili şurasınıñ oturışında iştirak etti (FOTO) - ЦРО ДУМКЦРО ДУМК

Среда

27

января

13
Джумазие'ль-ахир 
1442 | 2021
Утр.6:38
Вос.7:58
Обед.13:01
Пол.15:23
Веч.17:54
Ноч.19:14
Времена намазов
Календарь 2021г

Намаз

Qırım Müftiligi İslâm tahsili şurasınıñ oturışında iştirak etti (FOTO)

Опубликовано:

Qırım Müftisiniñ muavini Esadullah Bairov İslâm tahsili şurasınıñ umumiy toplaşuvında iştirak etti.

Oturış devamında iştirakçiler 2020 senesinde İslâm tarihı ve medeniyetini terenden bilgen mütehassıslarnı azırlav programmasınıñ ömürge keçirilmesiniñ neticelerini muzakere ettiler ve 2021 senesinde İslâm tahsili şurasınıñ iş planını tasdıq ettiler. Hususan, oquv usuliyeti ile diniy oquv faaliyeti, uquq meseleleri boyunca komissiyanıñ işi ve halqara faaliyet muzakere etildi. Bundan da ğayrı, oturışta ilmiy derecelerniñ, hususan, İslâm ilimleri doktorı derecesiniñ berilmesi aqqında nizamname, yek elektron kitaphaneniñ toplanıluv usulları ve islâmiy oquv yurtlarınıñ yek tahsil platformasınıñ meydanğa ketirilüvi meseleleri baqıldı.

Qırım Müftisiniñ muavini Esadullah Bairovnıñ sözlerine köre, işbu toplaşuv İslâm tahsiliniñ ilerideki maqsatlarını ve vazifelerini konkret şekilde şekillendirmekte.

Oturış devamında İslâm tahsili şurasına yañı azalar qabul etildi – Dağıstan Cumhuriyeti (Mahaçkala şeeri) ve Çeçenistan Cumhuriyetiniñ (Groznıy şeeri) islâmiy oquv yurtları, Perm şeeri ve Sunca şeeriniñ (İnguşetiya Cumhuriyeti) islâmiy köllecleri.

Qalay islâmiy ilimleri medresesi 2014 senesinden berli İslâm tahsili şurasınıñ azasıdır.

QMDİ matbuat hızmeti