Qırım Muftiligi Halqara tuvğan tili kününe bağışlanğan ifadeli oquv yarışını keçirdi (FOTO) - ЦРО ДУМКЦРО ДУМК

Пятница

23

апреля

12
Рамазан
1442 | 2021
Утр.4:07
Вос.5:34
Обед.12:46
Пол.16:33
Веч.19:48
Ноч.21:16
Времена намазов
Календарь 2021г

Намаз

Qırım Muftiligi Halqara tuvğan tili kününe bağışlanğan ifadeli oquv yarışını keçirdi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Halqara ana tili kününe bağışlanğan “Ana tilim – ğururım” ifadeli oquv yarışı ötkerildi.

Yarışta Qırımnıñ farqlı bölgelerinden 64 mektep talebesi öz video-çıqışlarını yollap, iştirak etti. Qıymet kesüvniñ esas kriteriyleri – eserni bilmek, qırımtatar tiliniñ qaideleri boyunca oqumaq, aktörlıq maareti ve sana medeniyeti olğan.

İşlerge qıymet kesken jüri erkânına İslâm ilimleri magistri, Qırım Muftisiniñ muavini Raim Ğafarov, filologiya ilimleri doktorı, QFU qırımtatar ve şarq filologiyası kafedrasınıñ qırımtatar tili fakultetiniñ professorı Lemara Selendili, dotsent, filologiya ilimleri namzeti, QFU qırımtatar ve şarq filologiyası kafedrasınıñ qırımtatar filologiyası fakultetiniñ rehberi Ediye Memetova, qırımtatar tilinde çıqqan “Armançıq” mecmuasınıñ baş muarriri Ediye Müslimova, Qırımtatar medeniy-tarihiy miras müzeyiniñ yetekçi usulşınası Şefiqa Abduramanova, İ. Gasprinskiy adına qırımtatar kitaphanesiniñ yetekçi usulşınası Elmaz Veliyeva kirdiler.

Yarış neticeleri boyunca jüri ğaliplerni sayladı.

VI – VIII sınıf talebeleri arasında:

I yer – İsmail Canayev, “Oqutuvı qırımtatar tilinde alıp barılğan №3 orta umumtahsil mektebiniñ” 8 sınıf talebesi, Sudaq şeeri;

II yer – Saniye Eminova, “Eşref Şemi-zade adına № 42 orta umumtahsil mektebi”, Aqmescit şeeri.

III yer – Nial Yunusova, “№ 2 Mirnoye mektebi”, Aqmescit rayonı;

IX – XI sınıf talebeleri arasında:

I yer – Nariman Acanov, “Eşref Şemi-zade adına № 42 orta umumtahsil mektebi”, Aqmescit şeeri.

II yer – Nayle Sufyanova, “№ 2 Kölçugino mektebiniñ” 11 sınıf talebesi, Aqmescit rayonı.

III yer – Yusuf Özdemir, “Aqmescit halqara mektebiniñ” 9 sınıf talebesi.

Ğaliplerniñ taqdirlenüvi 2021 senesi, fevral 26 künü Aqmescitte, Qırım Cumhuriyeti ve Sevastopol şeeri musulmanları diniy idaresiniñ mimariy binasında olıp keçecek.

Qırım MDİ matbuat hızmeti