Qırım Müftiligi "Hacılıq rehberi" kitabını neşir etti - ЦРО ДУМКЦРО ДУМК

Суббота

18

сентября

11
Сефер 
1443 | 2021
Утр.4:58
Вос.6:16
Обед.12:42
Пол.16:05
Веч.18:58
Ноч.20:16
Времена намазов
Календарь 2021г

Намаз

Qırım Müftiligi “Hacılıq rehberi” kitabını neşir etti

Опубликовано:

Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) neşir bölügi prof. d-r İ.Karagöz, M.Keskin ve prof. A.Halilniñ müellifligindeki “Hacılıq rehberi” kitabınınıñ rus tiline tercimesini azırlap çıqardı. Kitapnıñ muarriri fıqıh boyunca magistr Ayder İsmailov, türk tilinden kitapnı ilâhiyatçı, İslâm ocası Zulfiye Şamsiyeva tercime etti.

Mezkür kitap dört mezhep boyunca İslâmnıñ beş şartından biri olğan hac ibadeti ve musulmanlar içün muqaddes sayılğan yerlerge hacılıq aqqında tafsilâtlı malümatnı taqdim ete. Kitapnıñ saifelerinde hacılıq ve ümreniñ İslâmdaki emiyeti, bu ibadetniñ kimlerge şart olğanı, hacnıñ çeşitleri, hacılıq ve ümreniñ ibadetleri aqqında tafsilâtlıca añlatıla. Hacılıqnı yerine ketirmege keder etken manialar, hacğa keçikme, diger insan içün hacılıqnı yerine ketirmek, hacılıq ve ümreni yerine ketirüv qaidelerine ters kelgen ameller ve olar içün berilecek keffaret kibi mevzularğa da diqqat ayırıla.

Kitap hac ya da ümreni yapmağa niyet etken musulmanlar içün neşir etildi, musulman diniy tahsil müessiselerniñ ocaları ve talebeleri içün oqutuv qullanması olaraq tevsiye etile, ve İslâm dininen meraqlanğan er kesge meraqlı olur.

Qırım MDİ matbuat hızmeti