Qırım Müftiligi fitir sadaqasınıñ miqdarını belgiledi - ЦРО ДУМКЦРО ДУМК

Четверг

02

июля

11
Зуль-къаде
1441 | 2020
Утр.2:56
Вос.4:51
Обед.12:52
Пол.16:56
Веч.20:43
Ноч.22:38
Времена намазов
Календари 2020г

Намаз

Qırım Müftiligi fitir sadaqasınıñ miqdarını belgiledi

Опубликовано:

Qırım Cumhuriyeti ve Sevastopol şeeri musulmanları diniy idaresi mubarek Ramazan ayı devamında muhtaclarğa berilgen fitir sadaqasınıñ minimal kölemini belgiledi. Onıñ miqdarı 250 rubleni teşkil etti.

Er bir pişkinlik çağına yetken ve nisap miqdarına saip olıp, dinimizce zengin sayılğan musulman özü ve pişkinlik çağına yetmegen qoranta azalarınıñ er biri içün fitir sadaqasını ödemek kerek. Bu onıñ içün vaciptir.

Fitir sadaqası ihtiyac saipleri – fuqareler, yoqsullar, hastalar, öksüz ve yetimlerge berilgen sadaqadır. Onı bayram namazından evel bermek kerek.

Qırım Müftiligi bütün musulmanlarnı vaqıt ile sıñırlı olmayıp, devam etken “Merhametlik” aktsiyası boyunca fitir sadaqalarnı ağır hasta balalarnıñ tedaviylenmesine bermege çağıra.

2009 senesinden başlap, 2019 senesiniñ dekabr ayına qadar “Merhametlik” aktsiyası çerçivesinde 19 milliondan ziyade ruble toplanıldı. Paralarnıñ ekseriyeti ağır hasta balalarnıñ tedaviylenüvine berildi.

QMDİ matbuat hızmeti