Qırım Müftiligi "Beyaz çiçek" hayriye aktsiyasında iştirak etti (FOTO) - ЦРО ДУМКЦРО ДУМК

Вторник

19

октября

13
Ребиу'ль-эвель
1443 | 2021
Утр.5:38
Вос.6:54
Обед.12:33
Пол.15:23
Веч.18:01
Ноч.19:17
Времена намазов
Календарь 2021г

Намаз

Qırım Müftiligi “Beyaz çiçek” hayriye aktsiyasında iştirak etti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ vekilleri “Beyaz çiçek” hayriye aktsiyasında iştirak ettiler. Aktsiya 2021 sene, sentâbr 22 künü Aqmescitte Aqmescit rayon memuriyetiniñ binasında keçirildi.

Tedbir teşkilâtçısı – Aqmescit rayon memuriyetiniñ tahsil idaresidir.

Qırım Müftisi hacı Emirali Ablayev ve Qırım musulmanları adından tedbirde Aqmescit merkeziy camisiniñ imamı İsmail Ablayev çıqışta bulundı.

O, aktsiya iştirakçilerini selâmlap, hayriye işini teşkil etkenleri içün teşekkür bildirdi.

“Biz hayriye işlerinde, ağır hasta balalarğa yardım etmek içün keçirilgen aktsiyalarnıñ teşkil etilüvine qol tutamız. Tek birlikte biz ağır vaziyette bulunğan insanlarğa yardım ete bilemiz. Tek maddiy destek degil de, maneviy yardım da pek müimdir, belâda olğan insanlar özüni yanğızlıqta duymasın”, – dedi İsmail Ablayev.

Aktsiyanıñ maqsadı – cemiyetniñ diqqatını sağlığı zayıf olğan insanlarğa celp etip, böyle insanlarnıñ qorantalarına maddiy destek köstermektir. Bu sene “Beyaz çiçek” aktsiyası çerçivesinde toplanğan paralar hasta balalarnı tıbbiy yardım kösterilecek yerlerge alıp barmaq içün biletlerniñ satın alınuvına ve Qırım balalar hospisiniñ teşkil etilüvine masraf etilecek (“Merhametli olayıq” HF).

İhtar: “Beyaz çiçek” hayriye aktsiyası – daa inqilâptan evel bar olğan ananeleriniñ ğayrıdan tiklenmesi ve devam ettirilmesidir.

Beyaz çiçek bayramı ilk sefer 1911 senesi Sankt-Peterburg şeerinde olıp keçti. Bayram imperator Ekinci Nikolay ve onıñ sevimli ömür arqadaşı Aleksandra Födorovnanıñ teşebbüsi ile keçirilgen edi. Beyaz çiçek kününde hayriye bazarları keçirile edi, anda elyapmalar, nağışlanğan mahsulatlar ve daa bir sürü şey satılıp, paraları hayriyege qullanıla edi. Bundan da ğayrı, sergide bufetler çalışa, kontsertler keçirile edi.

Qırım MDİ matbuat hızmeti