Qırım Müftiligi arap hattı kursuna davet ete - ЦРО ДУМКЦРО ДУМК

Суббота

18

сентября

11
Сефер 
1443 | 2021
Утр.4:58
Вос.6:16
Обед.12:42
Пол.16:05
Веч.18:58
Ноч.20:16
Времена намазов
Календарь 2021г

Намаз

Qırım Müftiligi arap hattı kursuna davet ete

Опубликовано:

Qırım Cumhuriyeti ve Sevastopol şeeri musulmanları diniy idaresi islâmiy husnü hat sanatı boyunca kursqa ve master-klasslarnıñ keçirilüvine davet ete.

Qırımda ilk sefer keçirilgen kursnıñ programmasına arap hattı ve güzel yazma sanatınıñ tarihını ögrenüv kire. Leyhanıñ maqsadı – Qırımda tasviriy sanatlarnıñ biri olğan islâmiy (arap) hattınıñ yañıdan tiklenmesidir.

Bugün Qırımda 350 ziyade cami ve ibadethane bar, ve er sene olarnıñ sayısı ep arta. Yaş mimarlar camilerniñ yañı leyhalarını teklif eteler, şu leyhalar boyunca cami divarlarınıñ içleri Quran ayetlerinen ve çeşit örneklernen yaraştırıla.

Hat ve örnekler, Allah tarafından yaratılğan alemniñ çeşitliligini ve dülberligini temsil etip köstergen dekorativ şekiller olaraq, musulmanlarnıñ bediiy yaratıcılığınıñ temeliniteşkil ete.

Afsus ki, XX asırnıñ başı ve ortasında Qırım musulmanları – qırımtatarlarnıñ ayatında yüz bergen vaqialar sayesinde hat ince sanatı ğayıp oldı ve al-ı azırda Qırımda hat ustaları – hattatlar aman-aman yoq.

Qırımda camilerniñ sayısı yıl-yıldan artqanı sebebinden hattat ustalarğa ihtiyac bar.

Kursqa qoşulmağa istegen namzetler içün qoşulğan talap – arap tilini ve yazusını bilmek.

Hat sanatını ögrenmege istegenler dumk.otdelorg@yandex.ru elektron adresine arizalarnı yollay bileler.

Qırım MDİ matbuat hızmeti