Qırım Müftiligi Aqmescit ve Keriç apishanelerine biñden ziyade islâmiy diniy kitap bağış etti (FOTO) - ЦРО ДУМКЦРО ДУМК

Среда

27

октября

21
Ребиу'ль-эвель
1443 | 2021
Утр.5:48
Вос.7:05
Обед.12:32
Пол.15:13
Веч.17:48
Ноч.19:06
Времена намазов
Календарь 2021г

Намаз

Qırım Müftiligi Aqmescit ve Keriç apishanelerine biñden ziyade islâmiy diniy kitap bağış etti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresi ve İslâm medeniyeti, ilimi ve tahsiline destek fondu Qırım Cumhuriyeti ve Sevastopol şeeri boyunca ÜFSİN hadimlerine biñden ziyade islâmiy diniy kitapnı taqdim etti.

Kitaplar Aqmescitteki Tahqiqat izolâtorınıñ, №2 tüzeltüv koloniyasınıñ, Mahkümlerni tüzeltüv merkeziniñ ve Keriçteki serbest yerleşüv koloniyasınıñ kitaphaneleri fondlarına ketecek.

Kitaplarnı teslim etüv merasiminde Qırım Müftisiniñ muavini Raim Ğafarov ve Qırım Müftisiniñ ÜFSİN ile işbirlik boyunca yardımcısı, Aqmescitniñ baş imamı Muhammed İslamov iştirak ettiler.

Qırım Müftisiniñ muavini Raim Ğafarovnıñ bildirgenine köre, bağışlanğan kitaplar mündericesinde ekstremistik malümat olmağanı baqımından teşkerüvden keçti ve ruhset etilgen kitaplarnıñ cedveline kirsetildi.

Muhammed İslamov ise, öz nevbetinde, qayd etti ki, mahkümler ve tahqiqattan keçkenler işançlı menbalarğa muracaat etmeli, penitentsiar sistemasınıñ kitaphaneleri olar içün açıq ve anda olar diniy bilgi alıp, öz suallerine cevaplar tapa bileler.

Hatırlatamız, islâmiy diniy kitaplarnıñ tahqiqattan keçkenlerniñ ve mahkümlerniñ qullanuvı içün taqdim etilmesi meselesi bu seneniñ mart ayında Qırım Cumhuriyeti ve Sevastopol şeeri boyunca ÜFSİN rehberleri ile muzakere etilgen edi.

Qırım MDİ matbuat hızmeti