Qırım Müftiligi Aq-Monay mezarlığında yüz bergen vaziyetniñ çezilmesini talap etti - ЦРО ДУМКЦРО ДУМК

Среда

27

октября

21
Ребиу'ль-эвель
1443 | 2021
Утр.5:48
Вос.7:05
Обед.12:32
Пол.15:13
Веч.17:48
Ноч.19:06
Времена намазов
Календарь 2021г

Намаз

Qırım Müftiligi Aq-Monay mezarlığında yüz bergen vaziyetniñ çezilmesini talap etti

Опубликовано:

Yedi Quyu rayonınıñ Aq-Monay (Kamenskoye) köyünde yüksek tazyıqlı gaz borusı keçirilgeni vaqıt, eski musulman mezarlığındaki qabirler açılıp, insan naaşları ortalıqqa dağıtıldı.

Qırım Cumhuriyeti ve Sevastopol şeeri musulmanları idaresi musulmanlarnıñ qabirleri açılmasından, ecdatlarımıznıñ kemikleri saçılıp-savrulmasından şiddetli şekilde raatsız olıp, şu günah ve çirkin areketni sert bir şekilde yamanlay.

Aq-Monay köyü sakinleriniñ bir sıra şikâyetleri sebebinden Qırım Müftiligi Rusiye Federatsiyası İçki İşler Nazirliginiñ Yedi Quyu (Lenino) rayonı boyunca bölügine, Yedi Quyu rayonınıñ Prokurorına, rayon memuriyetine ve Qırım Cumhuriyetiniñ medeniyet Nazirliginiñ Medeniy mirasnı qorçalav bölügine işbu meseleni çezmek içün muracaat etti.

Rayon imamı Lenur Mamediyevniñ sözlerine köre, Yedi Quyu rayonında Federal programma boyunca gaz borusınıñ keçirilüvi tasdiq etilgende, yerli akimiyet, ne içündir, bu yerde eski musulman mezarlığı olğanını belgilemedi.

Al-ı azırda meseleni çezmek içün Aq-Monay köyünde Yedi Quyu rayon memuriyetiniñ milletlerara munasebetler idaresiniñ rehberi ve Aq-Monay köyü kirgen Semisotka selsovetiniñ başlığı bulunmaqtalar.

Bundan da ğayrı, mezarlıqta ğayrıdan defin etilmek içün insan kemikleri toplanıla.

Qırım MDİ matbuat hızmeti