Qırım ealisiniñ cedvelge alınuvı – semetdeşlerimizniñ problemalarını muvafaqiyetli çezilmesiniñ temelidir (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Qırım ealisiniñ cedvelge alınuvı – semetdeşlerimizniñ problemalarını muvafaqiyetli çezilmesiniñ temelidir (FOTO)

Опубликовано:

Qırım Müftisi hacı Emirali Ablayev Aqmeçit (Çernomorskoye) rayonında diniy teşkilâtlarnıñ vekilleri ve rayon imamlarınen körüşti.

Qırım Müftisiniñ muavini Ayder İsmailov toplanğanlarğa muracaat etip, cedvelge aluv vesiqasını doğru tolduruv meselesinde ealige añlatuv işini faal keçirmelerini tevsiye etti.

“Lütfen, cemaatqa cedvelyeg aluv kâğıtlarınıñ doğru toldurılmasınıñ milletimiz içün müimligini er kesge añlatmağa tırışıñız. “Millet” satırında “qırımtatar” yazmaq kerek. “Qırımlı”, “qırım” ya da “tatar” kibi şeylerni yazmañız. Çünki bular ealini qayd etüvniñ neticesine ciddiy şekilde tesir ete bile. Bundan ise, semetdeşlerimizniñ bir sıra içtimaiy ve turmuş meseleleriniñ çezilüvi, ana tilimizde tahsilni aluv ve saire şeyler zarar köre bile”, – dedi Ayder İsmailov.

Bundan da ğayrı, o, bildirdi ki, er kes mustaqil şekilde “Gosuslugi” portalında anketasını toldura bile.

Qırım Cumhuriyetinde bütün Rusiye ealisini cedvelge aluv areketi aprel 1-30 künleri keçirilecek. İşbu cedvelge alınuvnıñ hususiyeti şu ki, malümat kâğıtta degil de, planşette qayd etilecek.

Bundan da ğayrı, yañılıqlar peyda oldı, – insannıñ çalışqan yeri aqqındaki sualler, bu da devlette köçiş cereyanlarını añıqlamağa imkân berecek.

Qırımda soñki ealini cedvelge aluv faaliyeti, halqnıñ sayısı ve erkânını ögrenmek maqsadınen 2014 senesi, oktâbr ayında keçirilgen edi.

Qırım MDİ matbut hızmeti