Qırım diniy idareleriniñ temsilcileri Aqmescitte №1 TK hadimlerinen körüştiler (FOTO) - ЦРО ДУМКЦРО ДУМК

Вторник

19

октября

13
Ребиу'ль-эвель
1443 | 2021
Утр.5:38
Вос.6:54
Обед.12:33
Пол.15:23
Веч.18:01
Ноч.19:17
Времена намазов
Календарь 2021г

Намаз

Qırım diniy idareleriniñ temsilcileri Aqmescitte №1 TK hadimlerinen körüştiler (FOTO)

Опубликовано:

Qırım ve Sevastopol Müftisiniñ Qırım ve Sevastopol şeerinde ÜFSİN ile işbirlik boyunca yardımcısı, Aqmescit şeeriniñ baş imamı Muhammed İslamov, QC ve Sevastopol şeerinde ÜFSİN başlığınıñ inançlılar ile iş boyunca yardımcısı Roman Tsurkannen beraber Aqmescitteki №1 TK hadimleri ile körüşti. Körüşüv Qırım musulmanlarınıñ diniy yetekçisi hacı Emirali Ablayevniñ avalesinen keçirildi.

Musulman ve ortodoks hristian diniy idareleriniñ temsilcileri “Neofitler – zararlı faaliyetleriniñ esas problemaları” mevzusında lektsiya keçirdiler.

QC ve Sevastopol şeeri boyunca ÜFSİN başlığınıñ inançlılar ile işbirlik boyunca yardımcısı Roman Tsurkan ortodoks hristianlıq noqta-i nazarından añlatuv işlerini keçirdi, Muhammed İslamov ise, islâmiy taraftan añlattı. Diniy hadimler hristian ve musulman ananelerinde neofit sindromınıñ añlaşılması aqqında tarif ettiler, şu cümleden, şu sindromnıñ inanç esaslarını istegenleri kibi añlatmaq, kibirniñ qabarması, agressiyanıñ peyda olması, tüşünip taşınmadan inanmaq, qara-beyaz ekili şekilde dünyağa baquv, cemiyet ve yaqınlarnen zıddiyetniñ peyda olması kibi menfiy tesirini añlattılar.

“İnsan sıq-sıq kerçek ayatnı güzel körüngen ğayege deñiştire, abstrakt idealnı birinci yerge qoya, aqıl-ferasetni coya, bu ise, fanatizm, yaqınlarnen munasebetlerniñ bozuluvı ve diger problemalarğa ketire bile”, – dep, qayd etti Muhammed İslamov.

Bundan da ğayrı, o, qayd etti ki, kerçek musulmannıñ menfiy tesiri olmaz ve iç bir kimseniñ kendini başqalardan üstün tutmaq aqqı yoq, çünki bu “ceennemge alıp barğan doğru yoldır”.

“Musulmanlarnıñ problemaları tışki sebeplerden degil de, ümmet azaları bir-birini añlamağanlarından, biri digerini dinni daa yahşı añlağanını köstermege tırışqanda ve, meselâ, diger ananeler ile dialognıñ emiyetini körmegende, sıq-sıq peyda ola”, – qayd etti Muhammed İslamov.

№1 TK hadimleri ile suhbet devamında Muhammed İslamov ve Roman Tsurkan qayd ettiler ki, diniy bilgilerni sağlam menbalardan almaq kerek.

“Er kes hata yapa bile ve er birimiz yapqan hatalarımıznı tüzetmek aqqına saiptir. Yüce Rabbimiz bağışlayıcıdır, din ocaları da insanlarğa doğru yolunı köstere. Biz insannı belâsınen yañğız qaldırmamaq kerekmiz, aksine, oña belâdan qurtulış yolunı köstermelimiz”, – dedi Muhammed İslamov.

Bundan da ğayrı, o, Qırım Müftisi ve Qırım musulmanları diniy idaresi adından koloniya başlığınıñ terbiye işleri boyunca yardımcısı Vitaliy Samedovğa hadimler ile körüşüvni teşkil etmege yardım etkeni içün teşekkür bildirdi.

Qırım MDİ matbuat hızmeti