Qırım Cumhuriyeti ve Sevastopol şeeri Müftisiniñ Mevlid gecesi munasebetinen hayırlavı - ЦРО ДУМКЦРО ДУМК

Среда

25

ноября

9
Ребиу'ль-ахир
1442 | 2020
Утр.6:22
Вос.7:44
Обед.12:35
Пол.14:47
Веч.17:16
Ноч.18:39
Времена намазов
Календари 2020г

Намаз

Qırım Cumhuriyeti ve Sevastopol şeeri Müftisiniñ Mevlid gecesi munasebetinen hayırlavı

Опубликовано:

Ürmetli dindaşlar! Qırım musulmanlarını ve bütün dünyadaki dindaşlarımıznı Peyğamberimiz Muhammed Mustafanıñ (s.a.s.) doğğan künü – Mevlid gecesinen hayırlayım.

Oktâbr 28-den 29-ğa keçer gecesi er bir musulmannıñ göñüli Allahnıñ elçisi Hazret-i Peyğamberniñ doğğanı sebebinden tolıp taşa, ve quvançnen dünyanıñ dört tarafındaki musulmanlar Yüce Allahqa şükür etip, Peyğamberimizni añalar, Quran oqup, dualar eteler.

Qırım musulmanlarını bu mubarek geceni salâvatlar ketirip, hadisler oqup, Peyğamberimizniñ ayatını balalarımızğa tarif etip, bir-birimizniñ sağlığı ve selâmetligi içün, Vatanımıznıñ amanlığı içün dua etip, Sevimli Peyğamberimiz (s.a.s.) ile keçirmege çağıram.

Allah dualarımıznı ve eyi amellerimizni qabul etsin, er bir evge bereket bersin ve Esap kününde bizni Peyğamberimizniñ şefaatına nail eylesin!

Qırım Cumhuriyeti ve Sevastopol şeeri Müftisi

hacı Emirali Ablayev