Qırım Cumhuriyeti ve Sevastopol şeeri Müftisiniñ Halq birligi künü munasebetinen hayırlavı - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

Qırım Cumhuriyeti ve Sevastopol şeeri Müftisiniñ Halq birligi künü munasebetinen hayırlavı

Опубликовано:

Es-selâmu aleykum va rahmetullahi va berakâtuhu!

Ürmetli vatandaşlar!

Halq birligi devlet bayramı munasebetinen samimiy hayırlavlarımnı qabul etiñiz!

Qırım halqları içün birlik sözüniñ manası çoq müimdir, bu söz birdemlikni, Vatanğa samimiy ve teren sevgini, barışıqlıq degerleriniñ saqlanuvı, farqlı din ve milletlerge mensüp insanlar arasındaki işançnı ve qarşılıqlı ürmetni ifade ete. Bu degerlerni qorçalamaq – ecdatlarımıznıñ vasiyetidir.

Dünyada yüz bergen vaqialar şunı köstere ki, eger “qırmızı sıñırdan” bir kere keçilse bile, bu – qalabalıq, nefret ve cenk haosına ketire bile.

Qırım daima milliy birlikniñ misali olğan. Maneviyat, dinimiz ve urf-adetlerimizge nisbeten ürmet, bir-birine sayğı üzre qurulğan dostane munasebetler devletimizniñ ve cumhuriyetimizniñ hususiyetidir.

Bugün de, zemaneviy dünyanıñ talapları qarşısında biz milletlerara ve dinlerara muabbetlikniñ ne qadar müim olğanını añlaymız.

Allah Taalâ Quran-ı Kerimde böyle buyura: “İnsanlar! Şübesiz, biz sizni bir erkekten ve bir qadından yarattıq, ve sizni, bir-biriñizni tanımañız içün, milletlerge ve qabilelerge böldik. Allah ögünde eñ itibarlıñız – Allahtan eñ çoq saqınğanıñızdır. Şübesiz, Allah er şeyni bilici, er şeyni eşiticidir”.

Allahqa dua etip, er birimizge, er bir qorantağa bereketni, qaviy sağlıq, amanlıq, küç ve ileride halqımıznıñ güllemesi içün ikmet, asırlarnen qarşılıqlı ürmet ve eyilik içinde yaşav ve birlik oluvnı niyaz etemiz.

Qırım Müftisi

hacı Emirali Ablayev