Qarasuvbazar rayonında elâllıq sertifikatsiyasından keçken birinci mezbahane peyda oldı (FOTO) - ЦРО ДУМКЦРО ДУМК

Вторник

19

октября

13
Ребиу'ль-эвель
1443 | 2021
Утр.5:38
Вос.6:54
Обед.12:33
Пол.15:23
Веч.18:01
Ноч.19:17
Времена намазов
Календарь 2021г

Намаз

Qarasuvbazar rayonında elâllıq sertifikatsiyasından keçken birinci mezbahane peyda oldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde QMDİ “Elâl” sertifikatsiya merkezi tarafından nevbetteki elâllıq sertifikatı berildi.

Qırım Müftisiniñ muavini Ayder İsmailov “Kurtseitova Elvina Refatovna” iş adamınıñ şirketine işbu sertifikatnı taqdim etti. Şirket büyük baş ve kiçik baş ayvanlarnı soyıp sata. Mezbahane nevbetteki adres boyunca yerleşe: Qarasuvbazar rayonı, Yuqarı Fındıqlı köyü, Zareçnaya soq., 35. Şu şirket rayonda elâllıq sertifikatını alğan birinci mezbahanedir.

“Milletimiz ve bütün Qırım sakinleriniñ güllemesi içün çalışmağa tileymiz, Rabbimiz eyi işleriñizde yardımcı olsun”, – dep, tiledi Ayder İsmailov.

Merkez hadimleri şirkette büyük ve kiçik baş ayvanlarınıñ soyuluv şartları, cihazlarnıñ çalıştırılması ve binanıñ baqıluvı boyunca talimat keçirip, konsultativ yardım kösterdiler. Bütün şartlar “Büyük baş ve kiçik baş ayvanlarnıñ soyuluvı qaidelerine” esasen yerine ketirilgenden soñ, QMDİ “Elâl” sertifikatsiya merkezi iş adamına bir yıl müddetine elâllıq sertifikatını taqdim etti.

Qırım MDİ matbuat hızmeti