"Qalpte iman ile" kitabınıñ qahramanları onıñ birinci oquyıcıları oldı (FOTO) - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

“Qalpte iman ile” kitabınıñ qahramanları onıñ birinci oquyıcıları oldı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresi tarafından neşir etilgen sürgünlik aqqındaki “Qalpte iman ile” kitabınıñ taqdimi arefesinde cıyıntıqnıñ müellifleri Zenife Ablayeva ve Gülnara İlyasova ikâyelerniñ qahramanlarını ziyaret ettiler. Oraza bayramı künlerinde cıyıntıq müellifleri doğma Qarasuvbazar rayonınıñ Qurtluq (Pçelinoye) köyünden olğan Fatime Abiltarovanı, Sudaq rayonınıñ Şelen (Gromovka) köyünde doğğan Ayşe Qurtveliyevanı, Bağçasaray rayonınıñ Kermençik (Vısokoye) köyünden olğan Zekkiy ve Emine Lümanovlarnı, Bağçasaray rayonınıñ Süyür Taş (Belokamennoye) köyünden Sayde Memetovanı, Aluşta civarında yerleşken Tuvaq (Rıbaçye) köyünde doğğan Elvina Şabutovanı ziyaret etip, olarğa çıqqan kitapnıñ nushalarını bağışladılar. Bundan da ğayrı, Oraza bayramı munasebetinen kitapnıñ qahramanlarına Qırım musulmanları hayriye fondundan bahşışlar taqdim etildi.

Olarnıñ ayat ikâyeleri daima milletimizniñ hatırasında qalacaq.

Kitap mayıs 19 künü, saat 15.00 Qırımtatar devlet akademik muzıkalı drama teatrinde taqdim etilecek.

Qırım MDİ matbuat hızmeti