Qalay medresesinde eñ güzel müezzinler saylandı (FOTO) - ЦРО ДУМКЦРО ДУМК

Вс

24

января

10
Джумазие'ль-ахир 
1442 | 2021
Утр.6:40
Вос.8:01
Обед.13:00
Пол.15:19
Веч.17:50
Ноч.19:11
Времена намазов
Календарь 2021г

Намаз

Qalay medresesinde eñ güzel müezzinler saylandı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatı) Qalay islâmiy ilimler medresesinde oğlanlar arasında ezan yarışı keçirildi.

Yarışta 19 medrese talebesi iştirak etti. Olarnıñ qabiliyetine jüri azaları qıymet kesti, jüri terkibine medrese ocaları kirdi.

Qıymet kesüv esnasında jüri azaları doğru telâffuz, maqam ve doğru icra etüvge diqqat etti.

Yarış neticesinde birinci yerni III kurs talebesi Zakir Ablâzov qazandı. Ekinci yerge II kurs talebesi Seytmer Abdurahimov nail oldı. Üçünci yerge ise, III kurs talebesi Timur Galiyev irişti.

Ğaliplerge qıymetli bahşışlar taqdim etildi. Yarışnıñ diger iştirakçilerine de ediyeler berildi.

Qalay islâmiy ilimler medresesiniñ müdiri Edem Lümanov qayd etti ki, medresede er ay mühtelif yarış ve musabaqalar keçirile.

“Böyle tedbirler talebelerge şevq qazandıra, olarnıñ er biri qabiliyetlerini ileriletmege, çoqça bilgi almağa tırışa”, – dedi Edem Lümanov.

Hatırlatamız ki, er yıl Qalay islâmiy ilimler medresesine 9 ve 11 sınıf talebeleri qabul etile, oquşları 2 yıl devam ete.

Qurman qasabasında çalışqan hafızlar bölügine orta umumtahsil mektebiniñ 5 sınıfını bitirgen talebeler qabul etile. Talebeler orta umumtahsil mektebiniñ fenlerinden ğayrı, diniy bilgilerni de alalar. Medreseniñ oğlanlar ve qızlar bölüklerini bitirgen talebeler mektepniñ umumtahsil programmasını yekünlep, tolu orta tahsil aqqında attestatnı ve orta professional diniy tahsil aqqında diplomnı elde eteler. Medresede oquv, yaşav ve aş bedava.

QMDİ matbuat hızmeti