Ömür yaşanmaq içündir. Mahkümler içün lektsiya (FOTO) - ЦРО ДУМКЦРО ДУМК

Пн

21

июня

11
Зуль-къаде
1442 | 2021
Утр.2:49
Вос.4:46
Обед.12:50
Пол.16:55
Веч.20:43
Ноч.22:41
Времена намазов
Календарь 2021г

Намаз

Ömür yaşanmaq içündir. Mahkümler içün lektsiya (FOTO)

Опубликовано:

Qırım Müftisiniñ yardımcısı, Aqmescitniñ baş imamı Muhammed İslamov Qırım Cumhuriyeti ve Sevastopol şeeri boyunca ÜFSİN başlığınıñ diniy meseleler boyunca muavini protoiyerey Roman Tsurkan ile birlikte Aqmescitniñ №1 tüzeltüv koloniyasında Tüzeltüv merkezi olaraq çalışqan Qapalı bölükni ziyaret ettiler.

Musulman ve hristian ortodoks diniy idarelerniñ temsilcileri Tüzeltüv merkezindeki Qapalı bölüginiñ işinen tanış oldı, al-ı azırda anda 70-ten ziyade kişi cezalarını çekmekte.

Ziyaret devamında diniy erbaplar İslâm ve hristian ortodoks dinleriniñ ananeviy qıymetleri aqqında tarif etip, künümizde aktual olğan mahkümler arasında intihar mevzusını da muzakere ettiler.

“Ömüri devamında insan farqlı qıyınlıqlarğa rastkele, ağır vaziyetlerge tüşe bile, şu esnada eñ müimi – vaqıtında kösterilgen yardımdır. Bizler, diniy erbaplar olaraq, şu meseleni añlatmağa tırışamız, özüniñ canına qıymaq büyük günah olğanı aqqında tarif etemiz, ömür yaşanmaq içün olğanını, ömürni planlar qurıp, hayal etip, muvafaq olıp ve, ilk evelâ, özüni islâh etip keçirmek kerek”, – qayd etti Muhammed İslamov.

Bundan da ğayrı, o, qayd etti ki, lektsiyadan soñ diniy erbaplar bir sıra sualge cevap berdi.

“Tüzeltüv merkezi olaraq çalışqan Qapalı bölükni ziyaret etmek içün biz mahsus bazar kününi sayladıq, çünki mında bulunğan apis etilgen mahkümler iş künlerinde çalışalar, sadece aqşamları Tüzeltüv merkezinde bulunalar”, – dedi Muhammed efendi.

Aqmescitteki №1 TK yanında çalışqan Tüzeltüv merkeziniñ Qapalı bölügi 2020 senesi açıldı. Mahkümlerniñ anda qalması içün kerekli şarait azırlanıldı: ayrı aşhaneler, yaşanacaq odalar v.s.

QMDİ matbuat hızmeti