"Musulmanlar – Qırım cemiyetiniñ itibarlı qısımıdır", – Aksyonov (FOTO) - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

“Musulmanlar – Qırım cemiyetiniñ itibarlı qısımıdır”, – Aksyonov (FOTO)

Опубликовано:

Aqyarda “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyası açıldı.

Tedbirde 200 yaqın insan iştirak ete.

Konferentsiya iştirakçilerini forumnıñ ürmetli musafirleri selâmladı. Aralarında Qırım Başlığı Sergey Aksyonov, Aqyar gübernatorı Mihail Rozvajayev ve RF Prezidenti Memuriyetiniñ temsilcisi mevcuttır. Olar iştirakçilerge muvafaqiyetli ve semereli çalışmalar tilediler.

“Qırım – Rusiyeniñ çoqmilletli regionı, Qırım musulmanları ise, cemiyetimizniñ itibarlı qısımıdır. Biz Emirali efendige pandemiya zamanında faaliyetni yüksek seviyede teşkil etkeni ve ealige yardım etmek içün hayriye leyhalarını keçirgeni içün teşekkür bildiremiz. Bizim umumiy maqsadımız – bu hastalıqnı yeñmektir”, – dedi Sergey Aksyonov.

İlmiy-ameliy konferentsiyanıñ keçirilüviniñ sebebi – 2020 senesi koronavirus hastalığınıñ darqaluvı ve bu munasebetnen kirsetilgen, ve, şu cümleden, diniy müessiselerniñ, cami ve mescitlerniñ, din hadimleri ve ocalarınıñ, balalar içün diniy-maarif leyhalarnıñ işine tesir etken sıñırlavlardır.

Qırım MDİ matbuat hızmeti