Musulmanlar içün Mubarek üç aylar başlandı! - ЦРО ДУМКЦРО ДУМК

Суббота

04

июля

13
Зуль-къаде
1441 | 2020
Утр.2:58
Вос.4:52
Обед.12:52
Пол.16:56
Веч.20:42
Ноч.22:37
Времена намазов
Календари 2020г

Намаз

Musulmanlar içün Mubarek üç aylar başlandı!

Опубликовано:

Mart 7 künü aqşam namazından soñ müusulmanlar içün mubarek “Üç aylar” başlandı.

  • Receb – tövbe, ibadet ayı,
  • Şaban – sevgi ve hızmet ayı,
  • Ramazan – yaqınlaşuv ve bereket ayıdır.

Bu üç ay devamında müsulmanlar daa ziyade hayırlı işler yapmağa tırışa: Quran oqumaq, oraza tutmaq, sadaqa bermek, tövbe etmek ve namaz oqumaq, göñüllerni günahtan, başlarını ise yaramay fikirlerden temizlemege tırışalar. Bu vaqıt içinde müsulmanlarğa zıddiyet ile davalaşmağa yasaqtır.

Quranda aytılğanı kibi, bu mubarek vaqıt içinde hayırlı işlerniñ sevabı qat-qat öse.

Bu sene Receb ayı mart 8 künü başlana. Arap tilinden “receb” “ürmet”, “ibadet” kibi tercime etile. Receb ayınıñ birinci künü oraza tutmağa çoq müimdir, çünki onıñ sevabı üç yıllıq orazanıñ sevabına teñ kelmekte.

Mubarek aylarnıñ nevbetteki ayı Şabandır. Bu ayda Oraza tutmaq çoq sevaplı, insan vucudını Ramazan ayına azırlay.

Ramazan ayı devamında ise oraza tutmaq şarttır.

29 ya da 30 kun devam etken Ramazan ayı müsulmanlar qayd etken Oraza bayramınen yekünlene. Bayramda büyükler ziyaret etile, bayram namazını qılına ve zekât berile. Reğaib, Mirac, Beraat ve Qadır geceleri bu üç ay içinde saqlıdır.

QMDİ MDT matbuat merkezi