Müfti efendi Aqmeçitteki cami qurucılığını ziyaret etti (FOTO) - ЦРО ДУМКЦРО ДУМК

Четверг

22

апреля

11
Рамазан
1442 | 2021
Утр.4:09
Вос.5:36
Обед.12:46
Пол.16:33
Веч.19:47
Ноч.21:14
Времена намазов
Календарь 2021г

Намаз

Müfti efendi Aqmeçitteki cami qurucılığını ziyaret etti (FOTO)

Опубликовано:

Qırım Cumhuriyetiniñ ğarbında yerleşken Aqmeçit (Çernomorskoye) qasabasında cami qurucılığı devam ete. Al-ı azırda binanıñ iç işleri ve fasadı yapılıp bitmekte. Qadınlarnıñ ibadeti içün ekinci qat azırlanıla, bütün kommunikatsiyalar artıq keçirildi. Cami azbarı abadanlaştırıla, qorası qurula. Cami etrafındaki yollarnı çekmek planlaştırıla.

Rayonnıñ baş imamı Löman Abduramanovnıñ sözlerine köre, qurucılıq işlerinde yerli cemaat faal iştirak ete.

“Cami qurucılığınıñ ne vaqıt bitecegi aqqında aytmaq içün daa ertedir, körgeniñiz kibi, umumiy ğayret ile iş kete. Lâqayd qalmağan ve, imkânına köre, yardım etken vatandaşlarımızğa teşekkürler bildiremiz”, – dedi Löman efendi.

Caminiñ qurucılığı 2014 senesi başlandı.

Eki qatlı binada umumiy mescid, qadınlarnıñ qatı, abdesthane ve imam odası yerleşecek.

Umumen, cami 250 kişige qararlaştırılğan.

Al-ı azırda Aqmeçitte 250 qırımtatar qorantası yaşay. Umumen, rayon boyunca 4 cami çalışa.

Qırım MDİ matbuat hızmeti