Milletniñ ruhiy vaziyeti – imamlarnıñ faaliyetine bağlı  (FOTO) - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

Milletniñ ruhiy vaziyeti – imamlarnıñ faaliyetine bağlı  (FOTO)

Опубликовано:

Qırım müsulmanları Diniy İdaresinde, Qırımnıñ bütün bölgelerindeki rayon imamlarınıñ ve müsulman cemiyetleri reisleriniñ nevbetteki toplaşuvı keçirildi.

İş körüşüviniñ çerçivesinde, Qırım Müftisiniñ muavini, islâm uquqı boyunca magistr Ayder İsmailov tarafından azırlanğan “İslâmda mezhepler” adlı kitapnıñ taqdimi olıp keçti. Ayder İsmailov, kitapnıñ dünya yüzüni körmesi – mezheplerniñ peyda oluvını ve şekillünivini yañlış sürette añlamasına bağlı olğanını qayd etti.

Toplaşuvnıñ soñunda imamlar ile Qırım Müftisi hacı Emirali Ablayev körüşti. İmamlar ise, öz nevbetinde, keçken ay devamında yapılğan işler aqqında esabat berip, kelecek aylar devamında al etilecek meselelerni muzakere ettiler. Qırım Müftisi, din yolunda hızmet köstergenlerniñ müim vazifesi aqqında hatırlattı.

Müfti: “Siz, halqnıñ eñ emiyetli yönelişinde çalışasıñız. Ve siziñ faaliyetiñizge, milletniñ ruhiy vaziyeti, fikirleri, dünyabaqışı bağlı. Halqnıñ diniy maarifi – yüksek seviyeli ahlâqqa ve medeniyetke saip olğan cemiyetniñ temelidir. Er angi bir qıyın meseleni al etmek içün, din yoluna riayet etip qarar alıñız, bütün imkânlardan faydalanıp, halqnıñ eyiligini birinci sırağa qoyuñız”, dep qayd etti.

Toplaşuvdan soñ, rayon imamlarına, Diniy İdareniñ resmiy neşirlerinden biri olğan “Hidayet” gazetasınıñ yañı sanı darqatıldı.

MDT QMDİ matbuat hızmeti