Mental esap boyunca Halqara olimpiadasında iştirak etecek Qırım vekillerine destek kösterilecek (FOTO) - ЦРО ДУМКЦРО ДУМК

Пятница

05

июня

13
Шевваль
1441 | 2020
Утр.2:54
Вос.4:48
Обед.12:47
Пол.16:50
Веч.20:36
Ноч.22:29
Времена намазов
Календари 2020г

Намаз

Mental esap boyunca Halqara olimpiadasında iştirak etecek Qırım vekillerine destek kösterilecek (FOTO)

Опубликовано:

Mental esap boyunca Halqara olimpiadada iştirak etmege azırlanğan Qırım balalarına Qırım müsülmanları Diniy İdaresi ve RF Devlet Dumasınıñ deputatı Ruslan Balbek yardım kösterdiler. 

Yarış bu yılnıñ iyün ayında Qazahistannıñ Almatı şeerinde olıp keçecek. Qırım Cumhuriyetini olimpiadada  “ISMA” mental esap boyunca Halqara mektepniñ talebeleri Eskender Paşayev, Maksim Romançuk ve  Asan Asanov temsil etecekler.

Qırım Müftiyatınıñ ofisinde istidatlı balalar, ana-babaları ve ocalarınen  birlikte körüşüv olıp keçti. Balalar mektep yaşayışı, çeşit olimpiadalarda iştirak etkenleri, muvafaqiyetleri ve arzularınen paylaştılar.

Qırım Müftisi hacı Emirali Ablayev ana-babalarğa, ocalarğa bergen terbiye içün teşekkürler bildirdi. “Balalarımız – kelecegimizdir, olarğa çoq şey bağlı. Böyle balalarnı desteklemek kerek, yardım etmek ve istidatlarını inkişaf ettirip, kerekli yolğa yöñeltmek kerek. Böyle etip, intellektual elitamıznı yetiştirip olurmız”,- qayd etti Müfti.

Devlet Dumasınıñ deputatı Ruslan Balbek bildirgeni kibi, balalarnıñ qabiliyetleri ve istidatınıñ inkişafı sayesinde ileride alim ve tedqiqatçılar ösüp çıqacaq. “Bizim vazifemiz  – olarğa balalıqtan başlap yardım etmek,  fikir yürütme qabiliyetlerini desteklemek, inkişaf yollarını köstermektir. Yahşı tasil körgen yaşlar Qırımnı daima ileri alıp barıp, dünyağ meşur etecekler”, – dedi R. Balbek. Onıñ aytqanına köre, ileride istidatlı balalarğa destek olaraq Fond açılması mümkün. Bunıñnen beraber, balalar ğalebe qazansalar, olarnı ayırıca taqdirlemege teklif etti.

 “Ümüt eteiz ki, balalar yüksek seviyede bilgilerni kösterip, ğalebe qazanırlar. Biz ise, öz nevbetimizde, olarnı mukâfatlandırmağa işandıramız”, – dedi R. Balbek.

Mental esap boyunca Halqara olimpiada adetince  Almatı şeerinde ötkerile. Şu tedbirde iştirak etmek içün er yıl  200 bala toplaşa. Mental esap – unikal bir programma, onıñ yardımınen balalar, qısqa vaqıt içinde saymağa ögreneler. Bu programma vastasınen balalarnıñ afızası, mantığı, diqqatı inkişaf ete.

QMDİ MDT matbuat hızmeti