Mayıs 18 künü Qırımnıñ camilerinde ve bütün dinlerniñ mabetlerinde sürgünlik qurbanları añılacaq - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

Mayıs 18 künü Qırımnıñ camilerinde ve bütün dinlerniñ mabetlerinde sürgünlik qurbanları añılacaq

Опубликовано:

2021 sene, mayıs 18 künü Qırımnıñ bütün camilerinde 1944 senesi, mayıs 18 künü qırımtatar halqınıñ Qırımdan zorbalıqnen sürgün etilüvi qurbanlarını añmaq içün dualar oqulacaq.

Bundan da ğayrı, Qırımda bütün dinlerniñ mabetlerinde Qırımda halqara barışıqlıq, yarımadada yaşağan bütün halqlarnıñ dostane yaşaması ve eyiligi içün, böyle facialarnıñ, insaniyetke qarşı cianetlerniñ iç bir vaqıt tekrarlanmaması içün dualar yapılacaq.

Qırımtatar halqınıñ sürgün etilüvi kününe bağışlanıp keçirilgen tedbirler çerçivesinde tahsil müessiselerinde açıq derslerniñ, aliy oquv yurtlarında lektsiyalarnıñ keçirilmesi, kitaphane ve müzeylerde mevzunen alâqalı sergilerniñ keçirilmesi, Qırım Cumhuriyetiniñ memuriy bölgelerinde hatıra abidelerine çiçeklerniñ qoyulması, Bağçasaray rayonınıñ “Siren” demiröl stantsiyasında kontsert-rekviyem ötkerilmesi ve diger tedbirler planlaştırıla.

Qırım MDİ matbuat hızmeti