Maneviy yardım – hatalarnıñ tüzeltilüvi içün birinci adımdır (FOTO) - ЦРО ДУМКЦРО ДУМК

Суббота

18

сентября

11
Сефер 
1443 | 2021
Утр.4:58
Вос.6:16
Обед.12:42
Пол.16:05
Веч.18:58
Ноч.20:16
Времена намазов
Календарь 2021г

Намаз

Maneviy yardım – hatalarnıñ tüzeltilüvi içün birinci adımdır (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresi QC ve Sevastopol şeeri boyunca ÜFSİN ile işbirlik çerçivesinde musulman mahkümler ve tahqiqattan keçkenler ile faal iş alıp bara. Bunı Aqmescitniñ baş imamı, Qırım Müftisiniñ Cezalarnı icra etüv federal idaresi ile işbirlik boyunca yardımcısı Muhammed İslamov “Medeniy mirasnıñ saqlanuvı: uquqqoruyıcılarnıñ issesi” konferentsiyasında haber etti.

“Tahqiqat izolâtorını daa sıq ziyaret etmek istegimiz bar. Öyle bütündünya bir ameliyat bar ki, insan tahqiqat izolâtorına tüşken soñ, memuriyet ilk evel diniy erbapnı çağıra. O ise, belâğa oğrağan insanğa göñülden tüşmemege ve özüne zarar ketirmemege yardım ete. Diniy hadimler yardım qolunı uzatmaq ve maneviy, ahlâqiy nasiat bermek kerekler”, – dedi Muhammed İslamov.

Bundan da ğayrı, o, Müftilikniñ №1 Tüzeltüv koloniyası ve Keriçteki №2 koloniyasında alıp barğan işi aqqında tarif etti. Hususan, diniy mevzularda suhbetler ve lektsiyalarnıñ keçirilmesi, mahkümler ve tahqiqattan keçkenlerni diniy edebiyatnen temin etüvni, Qurban ve Oraza bayramlarınıñ keçirilüvini, din noqta-i nazarından intihar ve diger aktual mevzularda videoroliklerniñ numayış etilmesini añlattı.

“Vazifemiz – cemiyetke sağlam vatandaşlarnı qaytarmaqtır. Er bir insannıñ, hataları içün tövbe etmek, olarnı tüzetmek aqqı bar. Diniy erbaplar ise, olarğa yardım qolunı uzatıp, maneviy destek köstermek kerekler”, – qayd etti imam efendi.

Bundan da ğayrı, Muhammed İslamov Qırım Müftiligi tarafından İslâm medeniyeti abideleriniñ ve qadimiy mezarlarnıñ qorçalanuvı aqqında tarif etti.

“Müftiligimiz böyle mezarlarnı qayd ete, bir kimse diqqatsız qalmay, imkânlarğa köre, bu tarihiy abideler eyi alğa ketirile, şu cümleden vatandaşlarımız, dindaşlarımıznıñ mezarları temizlene. Bu işte cumhuriyet akimiyeti destek köstere”, – dedi Muhammed İslamov.

Qırım MDİ matbuat hızmeti