Mamut Sultan vadiysinde yañı cami qurulacaq (FOTO) - ЦРО ДУМКЦРО ДУМК

Среда

12

августа

22
Зуль-хидждже
1441 | 2020
Утр.4:01
Вос.5:32
Обед.12:53
Пол.16:44
Веч.20:04
Ноч.21:35
Времена намазов
Календари 2020г

Намаз

Mamut Sultan vadiysinde yañı cami qurulacaq (FOTO)

Опубликовано:

Qırım Müftisi hacı Emirali Ablayev Rusiye Federatsiyası Devlet Dumasınıñ millet vekili Ruslan Balbek, Aqmescit rayon memuriyetiniñ başlığı Dionis Aleksanov, Mamut Sultan köy memuriyetiniñ başlığı Öleg Litvinenko ile birlikte Mamut Sultan vadiysinde cami qurucılığı içün arsanıñ belgilenmesi meselesinde iş muşaveresinde körüştiler.

Muşavere erkânında taraflar arsanıñ resmiyleştirilüvi ve onıñ ileride Müftilikke berilüvi boyunca yol haritasını imzaladılar.

Hatırlatamız, musulman din cemiyeti ve Mamut Sultan köy Memuriyeti arasındaki işbu davalı mesele 8 yıl devamında çezilmey edi. Bundan evel, 2004 senesi Bükide (Mamut Sultan) 0,2 ga büyüklikte arsa ayırılğan edi, amma soñra, haber berilmeden, o ğayrıdan kommertsiya leyhasına içün ayırıldı.

Bir çoq muzakerelerden soñ RF Devlet Dumasınıñ millet vekili Ruslan Balbekniñ faal iştiragi ile köy memuriyeti caminiñ qurucılığı içün Aqmescit rayonınıñ Zareçnoye köyünde (Mamut Sultan vadiysi) arsa ayırmağa qarar berdi, ve bu bundan evel Büki massivinde ayırılğan arsanıñ alternativası oldı.

Muşavereler neticesinde Qırım Müftisi hacı Emirali Ablayev, RF Devlet Dumasınıñ millet vekili Ruslan Balbek ve Mamut Sultan köy memuriyetiniñ başlığı tarafından yol haritası imzalandı ve arsanıñ ayırıluv müddeti belgilendi, yol haritasını icra etmeknen mesülietli şahıslar tayin etildi.

Mamut Sultan vadiysiniñ ealisi 20 biñ insannı teşkil ete, olarnıñ 4 biñi – qırımtatarlardır.

Yol haritası imzalanğandan soñ Qırım Müftisi yerli musulmanlarnı çoq yıllar devamında çezilişi beklenilgen meseleniñ müsbet şekilde çezilgeninen hayırladı ve cami musulmanlarnı birleşken yer ve regionda çeşit milletlerniñ vekilleri arasında dostane munasebetlerniñ timsali olacağına ümüt etkenini bildirdi. Bundan da ğayrı, o, Devlet Dumasınıñ millet vekili Ruslan Balbekke, Aqmescit rayonınıñ başlığı Dionis Aleksanov ve Mamut Sultan köy memuriyetiniñ başlığı Öleg Litvinenkoğa yapqan işleri ve bütün taraflarnı qanaatlandırğan qararğa kelgenleri içün teşekkür bildirdi.

QMDİ matbuat hızmeti