Madina Abdullayevanıñ "Vaqıt kaleydoskopı"  - başı ve soñu olmağan kitaptır (FOTO) - ЦРО ДУМКЦРО ДУМК

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Madina Abdullayevanıñ “Vaqıt kaleydoskopı”  – başı ve soñu olmağan kitaptır (FOTO)

Опубликовано:

Qırım ve Sevastopol şeeri müsulmanları Diniy idaresiniñ sergi salonında ressam Madina Abdullayevanıñ “Vaqıt kaleydoskopı” adlı şahsiy sergisiniñ açıluvı keçirildi. Ekspozitsiyada 30-ğa yaqın işi taqdim etildi.

Qırım Müftisi hacı Emirali Ablayevniñ adından ressamnı Müftiniñ mesülietli kâtibi Ayder Acimambetov hayırladı. O, Madinağa Ana-Vatan bağışlağan ilhamnı tolu derecede işletmek ve yañı icadiy muvafaqiyetler tiledi

Ayder Acimambetov: “Er bir resimde Qırım aks etile. O –  farqlıdır. Eserlerge baqıp, Qırımnıñ yaşağanı çeşit devirlerge dalasıñ. Madina Abdullayevanıñ sanatı – halqımıznıñ qıymetli hazinesi, onıñ ğururıdır. Bu ğurur ösip, vatandaşlarmıznı quvandırsın”, – dep ayttı.

Madina Abdullayevanıñ resimleri tek özgün üslübi ile degil de, milliy çizgilerinen de ayırılıp tura. Ressam, işlerinde qırımtatarlarnıñ urbaları, urf-adetlerini saqlamağa tırıştı. Bu resimlerniñ renklerinde ifade etilgendir. Er bir resim – bir ayat levhasıdır, onıñ, aks etilgen devirge has olğan baş qaramanları, interyeri bardır. Bu bir tarih akis sedasıdır, saqlanıp qalğan hatıralardır. Vatanına qaytıp kelgen qırımtatar halqınıñ  tünevinki künü ve bugünidir. Madina Abdullayeva, serginiñ musafirlerine er bir resimniñ tarihını eyecan ile tarif etti.

Dağlar, güllegen vadiyler, tınç deñiz, qaveni cezvede pişirgen qartana, cümert Qırım topraqları bergen meyvalarnı satqan qartbaba, Körbekte tuvğan eviniñ basamağında oturğan qartana… Sanki başı ve soñu olmağan kitapnı oquysıñ.

Musafirler: “Sergi öz professionalligi, nazmiyeti ve içki temizligi ile çoq güzel duyğularnı doğura”; “Bu quvançlı ve canlı duyğu”; “Sergi milliy üslübi ile ayırılıp tura, Qırım topraqlarına, tabiatına nisbeten sevgi duyula. Resimler çoq öriginal”, – dep paylaştılar.

Musafirler ögünde Qırım devlet akademik muzıkalı-drama teatriniñ artistleri çıqışta bulundılar. Serginiñ küçük musafiri Esma Üseinova Reşit Appazovnıñ “Qara deñiz” şiirini oqudı. Madina Abdullayevanıñ sözlerine köre, bu şiirniñ öz tarihı bar.

Madina Abdullayeva: “Onı Reşit Appazov sürgünlikte yazdı. Yürekni titretken şiir yazılğan kâğıt parçası Quran saifeleri arasına qoyuldı, Muqaddes Kitap bizim evimizde saqlanıp turdı. Biz bu şiirni ezberden bilemiz. Bizim balalarımız bile, torunlarımız da mıtlaq bilecek”, – dep ayttı.

Sergi martnıñ 9-dan 23-ne qadar saat 10:00 –  17:00 arasında çalışmaqta.

QMDİ MDT matbuat merkezi