Konferentsiyada İslâm dini aqqında söz yürütildi - ЦРО ДУМКЦРО ДУМК

Среда

04

августа

25
Зуль-хидждже
1442 | 2021
Утр.3:47
Вос.5:22
Обед.12:54
Пол.16:49
Веч.20:16
Ноч.21:51
Времена намазов
Календарь 2021г

Намаз

Konferentsiyada İslâm dini aqqında söz yürütildi

Опубликовано:

Moskva ve Groznıy şeerlerinde “İslâm – merhametlik ve barışıqnıñ  temelidir” konferentsiyası olıp keçti. Tedbirde Qırım Müftisiniñ muavini Esadullah Bairov iştirak etti. Saudiya Arabistanı, Rusiye ve diger devletlerden kelgen din erbapları farqlı mevzulardaki maruzaları ile çıqışta bulundılar.

Forumda bir sıra aktual mevzular muzakere etildi, şu cümleden, islâmda birlikte barışıq şaraitte yaşayış, Yañı Zelandiyada olğan facia köstergeni kibi, müsulmanlarnıñ kendileri zarar körgen terrorizm ve ekstremizm mevzularıdır.

Forumnıñ soñunda konferentsiya iştirakçileri rezolütsiyanı qabul ettiler. Mında İslâm dünyada adalet ve merhametlik mefküreni darqatqanı aqqında söz yürütile.

Vesiqada: “İslâm birdemligi, dünyada barışıq ve birlik, diger medeniyet vekillerine nisbeten ürmet, ekstremizm ve terrorizmniñ er angi şekillerine qarşı faaliyetni, müsulmanlar yaşağan devletlerniñ qanunlarına boysunuv ğayesini teşviq ete”, – dep qayd etile.

Rezolütsiyada müsulmanlarğa diqqatqa alınacaq tevsiyeler qabul etildi. Olarnıñ arasında:

—  KMV vastaları ile, insanlarnıñ biri-birine ya da başqa din vekillerine nisbeten nefret duyğusını teşviq etken menbalarğa yol bermemek;

— ğayrıislâm devletlerinde yaşağan müsulmanlarnı tek öz devletleriniñ qanunlarını kütmege degil de, bu ülkede yaşağan milletlerniñ medeniyetlerine nisbeten ürmet köstermektir;

— ğayrıislâm devletlerindeki islâm teşkilâtları, müsulman diasporaları arasında yerli qanunlarğa, urf-adetlerge, medeniyetke nisbeten ürmet duyğusını teşviq etmek, milliy devlet kontseptsiyasınıñ tanılması esasında müsbet vatandaşlıq interagratsiyasını keçirmek borcular;

—  müsulmanlarnıñ birligi ve fikirdeşligi diger din ve millet vekillerine qarşı olmağanını tanımaq, olar adalet, merhametlik ve barışıq içün çalışalar, insan ayatını telükege atqan havflarnı yoq etmek, musulmanlar arasında birlik, fikirdeşlik, sevgi, barışıqnı qaviyleştirmek içün çalışmaq.

Forum delegatları 2019 senesi mart 15 künü Yañı Zelandiyanıñ Kraystçerç şeerinde olıp keçken teraktnı takbih ettiler. Facia neticesinde 50 insan elâk oldı, bir çoq adam yaralandı.

Vesiqada, İslâm ekstremizm ve terrorizmni takbih etkeni aqqında aytıla. Mında konferentsiya iştirakçileri musulmanlarnı bu cinayetke yol bermemekten ğayrı, digerlerge de onıñ büyük günah olğanı aqqında añlatmağa çağıra.

Rezolütsiyada, “Müsulmanlar İslâmnıñ an-aneviy qıymetlerini kütmek, ulu alimlerniñ fikir birdemligine, ümmetniñ çoq asırlı tecribesine boysunmaq kerekler”, – dep qayd etile.

 Delegatlar ÇC Başına, forumnıñ teşkil etilmesinde destek köstergeni içün teşekkürler bildirdi.

İslâm forumında 43 devletniñ, şu cümleden, Rusiyeniñ delegatları iştirak etti.

Forumnıñ teşkilâtçıları Bütündünya İslâm Ligası, Rusiye Qaramanı Ahmat-Hacı Kadırov adına ROF destegi ile Çeçenistan Cümhuriyeti müsulmanları Diniy idaresi, islâm medeniyeti, ilimi ve tasiliniñ destegi Fondı ve RAN şarqşınaslıq İnstitutıdır.

QMDİ MDT matbuat hızmeti (KMV malümatına esaslanıp)