Kezlevliler eski musulman mezarlığında talaqa keçirdiler (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Kezlevliler eski musulman mezarlığında talaqa keçirdiler (FOTO)

Опубликовано:

Kezlev sakinleri şeerdeki eski musulman mezarlığında cemaat talaqasına toplandılar. İştirakçiler mezarlıqnı toplanğan çöplükten ve quru ottan temizlediler.

Talaqanı Kezlev şeer şurasınıñ halq vekili Eldar İbragimov, Kezlev bölgesiniñ imamı Eskender Memetov ve yerli “Avdet” diniy teşkilâtınıñ azaları teşkil ettiler.

Teşkilâtçılarnıñ sözlerine köre, talaqanı keçirmek içün teşebbüsni Kezlevniñ yerli sakinleri kösterdi. Olar şu tedbirde iştirak etmek içün ğayret köstediler.

“İnsanlar aman-aman bir kün içinde azır oldı. İş arasında vaqıt tapıp, ev işlerini qaldırıp, talaqağa keldiler, çünki olar içün bu müimdir. Bu eski mezarlıqta çoqusınıñ ecdatları defin etilgen”, – dedi Eskender Memetov.

Bir iştirakçiniñ sözlerine köre, şu mezarlıqta cenk vaqıtında onıñ emcesi kömüldi, o, partizan olıp, faşistler tarafından öldürilgen edi.

Toplanğanlar dua etip, Allahtan abidelerimizni vandallardan saqlamasını ve olarnıñ özlerini doğru yolda pekitmesini tilediler.

Qırım MDİ matbuat hızmeti