Kezlevde daa bir elâl et satıluvı ticaret noqtası açıldı (FOTO) - ЦРО ДУМКЦРО ДУМК

Среда

28

июля

18
Зуль-хидждже
1442 | 2021
Утр.3:34
Вос.5:14
Обед.12:54
Пол.16:52
Веч.20:25
Ноч.22:05
Времена намазов
Календарь 2021г

Намаз

Kezlevde daa bir elâl et satıluvı ticaret noqtası açıldı (FOTO)

Опубликовано:

Kezlevde daa bir elâl et satıluvı ticaret noqtası çalışacaq.

Tair Samedinov (Kezlev ş.) yolbaşçılığında çalışqan fermer hocalığı “Elâl” keyfiyet sertifikatını aldı. Sertifikatnı Kezlev regionınıñ baş imamı Eskender Memetov taqdim etti.

İstihsal büyük baş ve kiçik baş ayvanlarnıñ soyuluvını etler taqsiminiñ araret rejimi, sanitar normaları ve tehnologiya talapları esasında, şariat ükümlerine uyğun olaraq intizam etmekte.

2020 senesi Kezlev bölgesiniñ imamı Eskender Memetovnıñ teşebbüsi ile Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatı) “Elâl” sertifikatsiya ve standartizatsiya bölügine fermer hocalığınıñ rehberi Tair Samedinovdan ariza keldi. Bir qaç ay devamında iş adamı bölük hadimlerinden konsultativ ve ameliy yardım alıp, istihsalını “elâl” standartlarına uyğunlaştırdı.

Tair Samedinovnıñ sözlerine köre, salahiyetli bir organdan böyle sertifikat almaq – elâl mahsulatlarını saylağan müşterilerniñ işançını qazanmaq demektir.

Bugünki künde sertifikatsiyadan keçken hocalıqnıñ et mahsulatları, müşterilerniñ din mensübiyetine baqmadan, eali arasında çoq populârdır.

“Bugün de bugün insanlar aşayt mahsulatlarını büyük diqqatnen saylay ve, elbette, işbu mahsulatlarnıñ ekologik taraftan temiz, himik qoşmalarsız, çeşit qatma maddelersiz olğanını bilseler, olarnıñ saylavı evelden bellidir”, – dep qayd etti Eskender Memetov.

Al-ı azırda Qırımda çalışqan aşayt mahsulatlarınıñ istisalcıları elâl saasını faal menimsey. Aşayt bazarınıñ mezkür saası bütün dünyada tez inkişaf ete ve büyük agroholdinglerniñ diqqatını celp ete. İşbu mahsulatlarğa büyük ihtiyac sayesinde teklifler de peyda ola.

“Elâl” sertifikatını aluv tertibinen Qırım Cumhuriyeti ve Sevastopol şeeri musulmanları diniy idaresiniñ resmiy saytında tanış olmaq mümkün: https://qmdi.org/elyal-2/

Qırım MDİ matbuat hızmeti