Kelecekte park olacaq yerniñ  temeli qoyuldı (FOTO) - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

Kelecekte park olacaq yerniñ  temeli qoyuldı (FOTO)

Опубликовано:

Qırım Müftisi hacı Emirali Ablayev, Aqmescit rayonınıñ Borçoqraq qasabasında, park qurucılığınıñ temel qoyuvı merasiminde iştirak etti. Tedbir, Qırımnıñ Rusiye terkibine kirgeniniñ beş yıllığına bağışlandı. Park qurucılığınıñ teşebbüsçisi RF Devlet Dumasınıñ deputatı Ruslan Balbektir. Tedbirde devlet, cumhuriyet ve münitsipal akimiyet organlarınıñ vekilleri, Borçoqraq ve Aq-Meçet qırımtatarlarnıñ toplu yaşağan qasabaları sakinleri, cemaat faaliyetçileri ve göñülliler iştirak etti.

Qırım Müftisi, çıqışında, vatandaşlarımıznıñ biri-birine tayanç olmağağa kerekligini qayd etti. Müfti: “Bizim esas maqsadımız – tasil körgen, progressiv, bilgilerge ıntılğan nesilni östürmektir. Böyleliknen, biz, qırımtatarlar, küçlü, ikmetli, bilgili millet olğanını kösterermiz”, – dep ayttı.

Bundan da ğayrı, iştirakçiler kelecek nesillerge muracaat ve tilekler yazıp, “hatıra kapsulası”na qoydılar. Onı 25 yıldan soñ açmaq tileginen yañı parkta saqlaycaqlar.

Tedbirni icadiy taqımlarnıñ çıqışları yaraştırdı. Musafirlerge milliy yemekler ve sıcaq içimlikler ikram etildi

QMDİ MDT matbuat merkezi