Kefe civarında caminiñ temeli qoyuldı! (FOTO) - ЦРО ДУМКЦРО ДУМК

Пн

28

сентября

10
Сефер 
1442 | 2020
Утр.5:12
Вос.6:28
Обед.12:38
Пол.15:51
Веч.18:39
Ноч.19:55
Времена намазов
Календари 2020г

Намаз

Kefe civarında caminiñ temeli qoyuldı! (FOTO)

Опубликовано:

2019 senesi 27 sentâbr künü Nasıpnoye köyünde (Kefe ş.) tantanalı şekilde, ileride qurulacaq caminiñ temeli qoyuldı. Yerli sakinler bu vaqianı çoqtan berli beklediler.

Tedbirde RF DD deputatı Ruslan Balbek, Millletlerara munasebetler ve sürgün etilgen grajdanlarnıñ işleri boyunca Devlet Komitetiniñ reisi Lenur Abduramanov, Kefe şeer şurasınıñ deputatları, şeer memuriyetiniñ reberligi, Qırım Müftisiniñ yardımcısı Raim Ğafarov, Kefe regionınıñ imamı Nariman Köroğlu, olacaq caminiñ imamı Üsein Haliliç, pravoslav diniy idaresiniñ vekilleri, yerli sakinler bulundı. Temel, eki betonovozdan tökülip toldurıldı.

Temel qoyuluvından evel qurban çalındı. Qırım Müftisiniñ yardımcısı Raim Ğafarov dua oqup, er kesni qurucılıqnıñ başlanuvı ile hayırladı.

Raim Ğafarov: “Bu tek Kefe regionınıñ musulmanları içün degil de, bütün Qırım musulmanları içün quvançlı vaqiadır. Qırım Müftisi hacı Emirali Ablayev ve Qırım musulmanları Diniy İdaresi adından çoq beklenilgen vaqia ile hayırlaymız. İleride olacaq cami epimiz içün aydın bir yer olsun, mında kelip, yaqınlarımız, tuvğanlarımız, milletimiz ve, umumen,  Qırım içün dua etebilirmiz”, – dep ayttı.

Kefe regionınıñ imamı Nariman Köroğlu, cami – birleşüv, sayğı ve biri-birini añlav timsali olğanını qayd etti.

Nariman Köroğlu: “Biz, farqlı din ve millet vekillerini birleştirgen cumhuriyette yaşaymız. Bugün Rabbimizge, dünyada bütün cenklerniñ toqtaması, insanlarnıñ azap çekmemesi içün dua etemiz. Qırımımızda barışıq olsun, camiler, Allahqa şükür etken insanlar ile tolu olsun”, – dep ayttı.

Musulmanlarnı Ruslan Balbek, Kefe pravoslav diniy idaresiniñ vekilleri, şeer memuriyetiniñ ve şeer deputatlar korpusınıñ temsilcileri hayırladı.

Cami qurucılığı içün topraq damartası 2011 senesi ayırılğan edi. Amma vesiqalarnıñ resmiyleştirilüvi  yıllarğa sozuldı. Qırım musulmanlarınıñ Diniy İdaresi, yerli ve cumhuriyet akimiyetiniñ destegi ile meseleler çezildi ve caminiñ qurucılığı başlandı.

Cami 200 insannı sığdırabilecek. Qurucılıqnı, Qırım ve Sevastopol şeeri musulmanları Diniy İdaresi nezaret etecek.

QMDİ matbuat hızmeti