İyün 4 künü Qırım camilerinde bayram namazı keçirilecek - ЦРО ДУМКЦРО ДУМК

Четверг

09

июля

18
Зуль-къаде
1441 | 2020
Утр.3:04
Вос.4:56
Обед.12:53
Пол.16:56
Веч.20:40
Ноч.22:32
Времена намазов
Календари 2020г

Намаз

İyün 4 künü Qırım camilerinde bayram namazı keçirilecek

Опубликовано:

Qırım camilerinde Oraza bayramı namazı iyün 4 künü saba saat 06:00 keçirilecek.

Aqmescitte umumiy bayram namazı Zenaat birligi medeniyet Eviniñ zalında (Kiyevskaya soqağı, 11) ötkerilecek.

Qırım musulmanlarınıñ diniy lideri hacı Emirali Ablayev ananeviy hutbeni  saat 6-da başlaycaq, soñra ise bayram namazını keçirecek.

Adet üzre, er yıl Oraza bayramı namazına biñlernen musulmanlar toplana. Qırım paytahtında büyük Cuma camisi olmağanı sebebinden Qırım ve Sevastopol şeeri musulmanları diniy idaresi bayram namazlarını medeniyet Evinde ve diger büyük binalarda keçirmege mecbur.

Malümat: Oraza bayramı – Orazanıñ (İd al-Fitr) bitkenini temsil etken bayramdır. O, Şevval ayınıñ birinci üç künü devamında qayd etile.

Bayramdan evel musulmanlar fuqarelerge, muhtaclarğa, yolcularğa ve digerlerge fitir sadaqasını bere. Bayram namazından soñ musulmanlar sofralarnı donatalar. İnsanlar biri-birini bayram sofralarına davet ete, ana-babalar, tuvğanlarını ve hastalarnı ziyaret ete, olarğa bahşışlarnı ediye eteler. Bu vaqıt devamında tuvğanlarnıñ mezarlarını ziyaret etip, Allahqa dua etip, Qurandan surelerni oqumaq kerektir.

QMDİ matbuat hızmeti