"İslâmda mezhepler" kitabı – müim suallerge cevaptır (FOTO) - ЦРО ДУМКЦРО ДУМК

Суббота

04

июля

13
Зуль-къаде
1441 | 2020
Утр.2:58
Вос.4:52
Обед.12:52
Пол.16:56
Веч.20:42
Ноч.22:37
Времена намазов
Календари 2020г

Намаз

 “İslâmda mezhepler” kitabı – müim suallerge cevaptır (FOTO)

Опубликовано:

Qırımda “İslâmda mezhepler” kitabı dünya yüzüni kördi. Müellif – islâm uquqı magistri, Qırım Müftisiniñ muavini Ayder İsmailovdır. Kitap Qırım ve Sevastopol şeeri müsulmanları Diniy idaresi tarafından çıqarıldı.

Kitapnıñ müellifi, insanlarğa añlaşılğan bir şekilde, mezheplerniñ temeli, maqsadı ve vazifeleri, tarihı, şekillenüvi, dünyada darqalğan yeri ve tarafdarlarnıñ sayısı aqqında ikâye ete.

İşbu kitap – mezhepler mevzusını olduqça keñiş sürette açıqlamaq içün imkân ve sıq berilgen suallerge cevaptır. Ayrı diqqat uquqiy, ilâhiyat mezheplerine (bogoslovskiy) ve tariqatlarğa ayırıla. Kitapqa, arap, türk menbalarından ve mezkür mevzu boyunca rus tilinde mevcut olğan islâm portallarındaki maqaleler kirsetildi. Neşirde yer alğan malümat, islâm uquqınıñ zemaneviy meseleleri boyunca professor Orhan Çekerniñ universitet lektsiyaları esasında tertip etilgen.

 “İslâmda mezhepler” kitabını Qırım ve Sevastopol şeeri müsulmanları Diniy idaresinde (Aqmescit şeeri, Kurçatov soqağı, 4) ve “Terciman” Kitap evinde (Aqmescit şeeri, Sevastopolskaya soqağı, 44) satın almaq mümkün.

QMDİ matbuat hızmeti