İslâm bilgileri – tahsilli insannıñ temelidir (FOTO) - ЦРО ДУМКЦРО ДУМК

Пн

26

октября

9
Ребиу'ль-эвель
1442 | 2020
Утр.5:47
Вос.7:04
Обед.12:32
Пол.15:14
Веч.17:50
Ноч.19:07
Времена намазов
Календари 2020г

Намаз

İslâm bilgileri – tahsilli insannıñ temelidir (FOTO)

Опубликовано:

Qurman rayonınıñ Adarğın (Muskatnoye) köyünde İslâm temelleri ve Quran oquvı kurslarını yekünlegen talebeler tebriklendi. Er kişiler ve qadın-qızlardan ibaret eki taqım üzre oquğan talebeler İslâm temelleri ve arap urufatı saasında öz bilgilerini kösterdiler. Bilgilerni Qırım ve Sevastopol şeeri musulmanları diniy idaresiniñ imamları teşkerdi. Açıq dersniñ soñunda talebelerge Quranlar ve bahşışlar ediye etildi. Qırım Müftisiniñ muavini Raim Ğafarov mezunlarnı Qırım Müftisi hacı Emirali Ablayevniñ adından hayırladı. O, talebelerni dinni ögrenmek oğrunda büyük istekleri içün taqdir etti ve yetkenlerde toqtalmamaqnı tevsiye etti.

“Milletimiz tahsilli insanlarğa muhtac. Öz dinimizni bilmek ise, tahsilli insannıñ esas temelidir. İleride İslâm bilgilerini almaqta ve Quran oquvında muvafaqiyetler tileyim”, – dedi Raim Ğafarov.

Bundan da ğayrı, o, kurs ocaları – Qurman rayonınıñ baş imamı Arsen Yağlıyev ve onıñ ömür arqadaşı, oca Hayrunnisa Yağlıyevağa teşekkürler bildirdi.

QMDİ matbuat hızmeti