İlerilemek maqsadınen…(FOTO) - ЦРО ДУМКЦРО ДУМК

Вторник

04

августа

14
Зуль-хидждже
1441 | 2020
Утр.3:47
Вос.5:22
Обед.12:54
Пол.16:49
Веч.20:16
Ноч.21:51
Времена намазов
Календари 2020г

Намаз

İlerilemek maqsadınen…(FOTO)

Опубликовано:

Curçı qasabasında “Men muvafaqiyetlim” adlı yazlıq lageri açıldı. Lagerni QMDİ MDT, “Curçı” yerli müsülman cemiyeti, MCT “Halqara İslâm Missiyası” birlikte teşkil ettiler.

Teşkilâtçılarnıñ bildirgenine köre, esas maqsat – yaşlarğa  İslâm temelleri ve degerlikleri esasında liderlik qabiliyetlerini, planlaştırmaq  usullarını, maqsatlarnıñ qoyulmasını, nutuq edebini ögretmek edi.

Lagerniñ işinde Curçı, Upornoye, Pşeniçnoye, Stepnoye köylerinden 8-11 sınıflarda oquğan 25 talebe iştirak etmekte.

Lager çerçivesinde seminarlar, interaktiv dersleri, kvest-oyunlarınıñ keçirilüvi közde tutula. Böyle şekilde ocalar iştirakçilerniñ liderlik ve kommunikativ alışqanlıqlarını yetiştirmege isteyler. Bunıñnen beraber, leyiha iştirakçileri içün Bağçasarayğa ekskursiya teşkil etilecek, balalar Qırımnıñ tarihınen tanış olacaq, biri-birinen yaqınca tanış olıp, eyi dostluq munasebetlerini pekitip olurlar.

QMDİ MDT matbuat hızmeti