Hatıra vaqıttan küçlü (FOTO) - ЦРО ДУМКЦРО ДУМК

Среда

23

июня

13
Зуль-къаде
1442 | 2021
Утр.2:49
Вос.4:47
Обед.12:50
Пол.16:55
Веч.20:43
Ноч.22:41
Времена намазов
Календарь 2021г

Намаз

Hatıra vaqıttan küçlü (FOTO)

Опубликовано:

“Qalpte iman ile” kitabınıñ müellifleri Zenife Ablayeva ve Gülnara İlyasova kitap qaramanlarına neşirniñ nushalarını taqdim ettiler.

Al-ı azırda Lutfiye Seitmemetova Qarasuvbazar rayonınıñ Mejgorye köyünde yaşay. Sudaq bölgesiniñ Otuz köyünde doğğan Lutfiye hanım 17 yaşında olğanda, tuvğanlarınen beraber sürgün etildi ve o dehşetli künlerni pek yahşı hatırlay.

Zeynep-Şerfe Seitbilâlova 1937 senesi Sudaq rayonınıñ Qutlaq köyünde dünyağa keldi. O, Ural dağlarını, aftalarnen ketken trenni, bu trenniñ toqtavlarından birinde qardaşı aman-aman keçke qalacağını alâ daa hatırlay. Bugünki künde Zeynep-Şerfe Seitbilâlova Qarasuvbazar rayonınıñ Ceppar (Severnoye) köyünde yaşay.

“Qalpte iman ile” kitabında 1944 senesi mayıs 18-de vatanından sürgün etilgen insanlarnıñ hatıraları aks etile.

Cıyıntıqta yigirmi bir ömür ikâyesi toplanıldı, yigirmi bir taqdir añlatıldı. İleride nevbetteki cıyıntıqlarnıñ azırlanıp neşir etilmesi planlaştırıla. Sürgünlikni körgen tuvğanlarıñıznıñ ömür ikâyelerini dumk.otdelorg@yandex.ru adresine yollay bilesiñiz.

Qırım MDİ matbuat hızmeti