Eski Qırım ve Qurman-Kemelçide ezan sesi (FOTO) - ЦРО ДУМКЦРО ДУМК

Среда

27

октября

21
Ребиу'ль-эвель
1443 | 2021
Утр.5:48
Вос.7:05
Обед.12:32
Пол.15:13
Веч.17:48
Ноч.19:06
Времена намазов
Календарь 2021г

Намаз

Eski Qırım ve Qurman-Kemelçide ezan sesi (FOTO)

Опубликовано:

“Ezan sedası” adlı müezzin yarışınıñ nevbetteki basamaqları Eski Qırım şeerinde ve Qurman-Kemelçi qasabasında olıp keçti.

Jüri terkibine Qırım musulmanları diniy idaresiniñ hadimleri ve medrese ocaları kirdi.

Ezanlarnıñ icrasına bir qaç kriteriy boyunca qıymet kesildi: doğru telâffuz, maqam ve sesniñ gürligi.

Qurmandaki yarış neticeleri boyunca öz yaş kategoriyalarında ezannı eñ güzel oquğanlar olaraq Abdullah Rasulov (5 yaşında), Abdulâziz Rasulov (10 yaşında), İsmail Suleymanov (14 yaşında) ve Refat İslâmov (67 yaşında) saylandılar.

Eski Qırımda, jüri azalarınıñ fikirine köre, eñ eyi ezannı icra etkenler olaraq Eşref Halilov (9 yaşında), Emir-Ali Nuraliyev (16 yaşında) ve İsmail Pavlo (60 yaşında) tanıldılar.

Saylav turları Cürçi ve Aqmeçit qasabalarında, Aqmescitte, Bağçasarayda, Saqta olıp keçti. Ezannıñ oqulması boyunca yarışnıñ finalına keçmek içün 6 ile 50 ve daa yuqarı yaşta olğan er kişiler iştirak eteler.

Hatırlatamız, saylav turları mart-aprel ayları devamında, Ramazan ayınıñ soñuna qadar ötkerilecek. Yarışnıñ finalı Ramazan ayından soñ keçirilecek.

Eñ güzel müezzinlerni mütehassıs jüri azaları belgileycek, ğaliplerni taqdirnameler ve yarış sponsorlarından hatıra bahşışları bekley.

Nevbetteki saylav turı aprel 8 künü Qarasuvbazarda ve aprel 13 künü Aqyarda ötkerilecek.

Qırım MDİ matbuat hızmeti