Ecdatlarnıñ naaşları ürmetke lâyıqtır (FOTO) - ЦРО ДУМКЦРО ДУМК

Вторник

26

октября

20
Ребиу'ль-эвель
1443 | 2021
Утр.5:47
Вос.7:04
Обед.12:32
Пол.15:14
Веч.17:50
Ноч.19:07
Времена намазов
Календарь 2021г

Намаз

Ecdatlarnıñ naaşları ürmetke lâyıqtır (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ Kezlev memuriyeti başlığınıñ muavini İvan Prosoyedov, Kezlev şeer şurasınıñ millet vekili Eldar İbragimov ve Kezlev bölgesiniñ baş imamı Eskender Memetovnen iş körüşüvi olıp keçti.

Taraflar orta asırlardan qalıp, Kezlev şeerinde yerleşken musulman mezarlığınıñ Rusiye qanunlarınıñ talaplarına uyğun şekilge ketirilüvi, Slobodka mesken yeriniñ bir qısımında yerleşken mezarlıq toprağınıñ sıñırlarını belgilev meselesini muzakere ettiler.

Vesiqalarnıñ resmiyleştirilmesinden ğayrı, taraflar işbu topraqnıñ abadanlaştırıluvı meselesini de muzakere ettiler.

İşbu musulman mezarlığı 1944 senesine qadar çalıştı. İlk mezarlar ise, 16 asırğa aittir.

Qırımtatarlar Qırımdan 1944 senesi zorbalıqnen sürgün etilgen soñ, mezarlıqnıñ bir qısımı bozuldı, üstünde çeşit binalar quruldı. Bugünki künge qadar mında sanayı bazalar ve anbarlar yerleşe, bundan da ğayrı, mezarlıq üstünden yol keçirilgen ve şu topraqta Slobodka qasabasına kirgen bir qaç evi qurulğan. Tarihçılarnıñ sözlerine köre, olarnıñ qurucılığında eski mezarlıqtan alınğan baş taşlar qullanıldı.

Bugünki künde işbu topraqnı qanun boyunca qayd etmek qararı alındı. Böylece, ileride mezarlıqta alâqasız qurucılıqnıñ ihtimalı qalmaycaq. Bundan da ğayrı, körüşüv devamında diger vesiqalarnıñ resmiyleştirilüvi ve musulman diniy binalarnıñ Qırım Müftiliginiñ balansına keçirilüvi meseleleri muzakere etildi.

Qırım MDİ matbuat hızmeti