Din erbapları UFSİN hadimlerine mahkümler arasında intiharğa qarşı tedbirler aqqında tarif etti (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Din erbapları UFSİN hadimlerine mahkümler arasında intiharğa qarşı tedbirler aqqında tarif etti (FOTO)

Опубликовано:

Musulman ve pravoslav diniy idarelerniñ temsilcileri Rusiyeniñ Qırım Cumhuriyeti ve Sevastopol şeeri boyunca UFSİN hadimlerine intihar yapa bilecek mahkümlerge maneviy yardımnıñ kösterilüvi boyunca lektsiya berdiler.

Lektsiyanı Aqmescitniñ baş imamı, Qırım Müftisiniñ QC ve Sevastopol şeerinde UFSİN ile işbirlik boyunca yardımcısı Muhammed İslamov ve QC ve Sevastopol şeerinde UFSİN başlığınıñ inanğanlar ile işniñ teşkil etilüvi boyunca yardımcısı protoiyerey Roman Tsurkan berdiler.

Tedbir Qırım Cumhuriyeti ve Sevastopol şeerinde cinaiy icra sistemasınıñ tüzeltüv müessiselerinde intiharlarnıñ profilaktikası planınıñ ömürge keçirilüvi çerçivesinde teşkil etildi.

Lektsiya devamında Muhammed İslamov intihar yapa bilecek mahkümlernen 15-yıllıq işiniñ misallerinen paylaştı. Bundan da ğayrı, o, dinniñ intiharğa ve öz-özüne zarar ketirüvge munasebeti aqqında tarif etti.

“İntihar em İslâmda, em de pravoslav hristianlıqta büyük günah sayıla. İslâmda, diger dinlerde olğanı kibi, umuminsaniyet ahlâq qaideleri bar. İslâmda intihar kesen-kes yasaq etilgen”, – qayd etti Muhammed İslamov.

Bundan da ğayrı, o, qayd etti ki, UFSİN hadimleri tek zabitler degildir, olar em ocalar, em ruhiyatçılar ve mahküm etilgenler özüni nasıl alıp barğanına vaqıtında diqqat etmeli.

“Alâqa qurmaq, mahkümlernen suhbetler keçirmek, ruhiyatçı ve pedagogik qabiliyetlerni köstermek kerekler. Biz maneviyat, ahlâq, sevgi ve merhametlik aqqında çoqça suhbetleşmek kerekmiz, o zaman caillik yoq olacaq ve böyle günahlarğa yol berilmeycek”, – dedi Muhammed İslamov.

Musulman ve hristian din erbaplarınıñ fikirlerine köre, böyle lektsiyalar UFSİN hadimleriniñ dünyabaqışlarını keñleştire ve mahküm etilgenler ile işlerinde dinniñ emiyetini belli ete.

Qırım MDİ matbuat hızmeti