Çetel jurnalistleri Qırım Müftiligini ziyaret ettiler (FOTO) - ЦРО ДУМКЦРО ДУМК

Среда

04

августа

25
Зуль-хидждже
1442 | 2021
Утр.3:47
Вос.5:22
Обед.12:54
Пол.16:49
Веч.20:16
Ноч.21:51
Времена намазов
Календарь 2021г

Намаз

Çetel jurnalistleri Qırım Müftiligini ziyaret ettiler (FOTO)

Опубликовано:

Qırım Müftisi muavini Ayder İsmailov, “Qırım baari” 5-yıllığınıñ qayd etilüvi ile bağlı olğan ziyaret çerçivesinde çetel jurnalistleri ile körüşti. Mezkür körüşüv, qırımtatar halqınıñ islâm medeniyeti abidesi olıp sayılğan Kebir cami yanında keçirildi. Ayder  İsmailov, Qırımnıñ Rusiye terkibine kirgenininden soñ, Qırım  musulmanlarınıñ 5 yıl devamındaki yaşayışı aqqında ikâye etti. Bu cümleden, Cuma caminiñ inşaatı meselesi müsbet şekilde al etilüvini, Qırım regional hac-operatorınıñ peyda oluvınen hacılıqqa barğan insanlar sayısınıñ artuvını, Qırım Cümhuriyeti ve Sevastopol şeerinde Diniy idareniñ maarif faaliyetini qayd etti.

Bundan ğayrı, jurnalistlerniñ sualleri, ekstremizmniñ ögüni aluv yolları ve destruktiv diniy aqıntılarnıñ tesirine qarşı faaliyetniñ alıp barıluvı ile bağlı edi. Ayder İsmailov, Qırım musulmanları Diniy idaresi tarafından, Qırım ealisi arasinda iş ğayet faal alıp barılğanını ayttı.

Frenkistan jurnalistiniñ, arbiy zıddiyet çekken müsulman memleketlerindeki qaçaqlarnıñ kelmesi ile Frenkistanda yüz bergen dinlerara munasebetlerniñ ögüni almaq ve bu kibi meselelerni çezüv yollarınen bağlı olğan sualine, Ayder İsmailov, Qırımdan örnek almaq kerekligini qayd etti. Ayder İsmailov: “Qırım – sabır ve eyiqomşucılıq meselesinde bir örnektir. Qomşularnıñ duyğularını ürmet etmekni başlamaq kerek”, dep cevap berdi.

QMDİ MDT matbuat merkezi