Haberler - Page 9 of 54 - ЦРО ДУМКЦРО ДУМК | Страница 9

Вс

31

мая

8
Шевваль
1441 | 2020
Утр.2:59
Вос.4:50
Обед.12:46
Пол.16:49
Веч.20:32
Ноч.22:23
Времена намазов
Календари 2020г

Намаз

Haberler - Page 9 of 54 - ЦРО ДУМК

“Büllür” 3 yaşında! (FOTO)

Опубликовано:

Qırım ve Sevastopol şeeri musulmanları Diniy İdaresiniñ "Büllür" Qırım musulman qadınlarınıñ cemaat Birleşmesi 3 yılını qayd etti. Bayram tedbiri Bağçasaray rayonınıñ güzel manzaralı köşeleriniñ birisinde olıp keçti. Qadınlar teşkilâtı farqlı saalarda çalışqan qadınlarnı bir arada topladı. Hususan, hayriye aktsiyaları, İslâm maarifi, qırımtatar medeniyeti ve tiline destek kösterici leyhalardır. Birleşmeniñ reberi Niyara Canbazovanıñ sözlerine köre, qadınlar birleşmesiniñ faaliyeti farqlı programmalardan ibaret. Niyara Canbazova: "Bu, belli bir mevzuğa bağışlanğan seminarlar ve musulman qadınlarınıñ körüşüvleri, internat ve qartlar eviniñ sakinlerine yardım, bayram tedbirleri ve ekskursiyalarnıñ teşkil etilüvi, bundan da ğayrı, çoqbalalı ve muhtac qorantalardan, yetim olğan balalarnı mektepke azırlav, Ramazan ayında iftarlarnıñ teşkil etilüvi, Qurban ve Oraza bayramınıñ keçirilüvi, "Eyilik kervanı" hayriye aktsiyası (urba, ev tehnikasınıñ qabul etilüvi ve olarnıñ ihtiyac olğan qorantalarğa darqatıluvı). Daimiy sayılğan "Musulman qadını tarafından yapılğan eyilik" aktsiyası çerçivesinde, camilerniñ qurucılığı ve tamir etilüvi içün hayriye paraları toplanıla. Bundan da ğayrı, "Allahnıñ incisi" aktsiyası çerçivesinde musulman qadınlarını güzelleştirmek içün tedbirler keçirile. Eñ büyük ve müim leyhalardan biri "Musulman qadınlarnıñ liderlik mektebi" oldı. Mında tek Qırımdan degil de, Rusiyeniñ farqlı regionlarından qadınlar kelmekte", - dep ayttı. "Büllür" birleşmesiniñ üç yıllığına bağışlanğan tedbirni "Emanet" bala icadiy gruppasınıñ iştirakçileri yaraştırdı. Bundan da ğayrı, "Hicab" tükânı teşkil etken bala urbasınıñ kollektsiyası taqdim etildi. "Büllür" - kendilerini eyileştirmege ve dünyanı güzelleştirmege istegen qadınlar birleşmesidir. Büyük ve dost munasebetini pekitken teşkilâtnıñ azası er bir musulman qadını olabile. QMDİ matbuat hızmeti [gallery link="file" columns="4" size="medium" ids="33399,33397,33395,33393,33391,33389,33387,33385,33383"]

Aqşeyh camisiniñ damına sadaqa toplanıla

Опубликовано:

Qırım musulmanları Diniy İdaresi ve Aqşeyh rayonınıñ din cemiyeti, Aqşeyh rayonınıñ Berezovka köyündeki cami qurucılığı ile bağlı hayır işine qoşulmağa davet ete. Qış mevsimine qadar camininiñ üstüni qapatmaq kerektir.   Destek köstermek içün, Aqmescit şeeri, Kurçatov s., 4 adresi boyunca Qırım Müftiligine ya da yerli imamğa muracaat ete bilesiñiz. QMDİ matbuat hızmeti

“Halq medresesi” davet ete (FOTO)

Опубликовано:

Qırım ve Sevastopol şeeri musulmanları Diniy İdaresi erkânında teşkil etilgen "Halq medresesi" kursına ekinci sefer qabul etüv ilân etildi. Programma çerçivesinde, İslâm dini esasları, arap elifbesi, Quran oquvı ve qırımtatar halqınıñ milliy ananeleri ögrenile. 15 yaşından başlap yigitler ve erkekler davet etile. Yerlerniñ sayısı sıñırlı. Dersler, er cumaaqşamı künü saat 18:00 "Seit-Settar" diniy külliyesinde, Aqmescit ş., Klara Tsetkin (sabıq Sofiyskaya) soqağı, 34 adresi boyunca keçirilecek. QMDİ matbuat hızmeti [gallery link="file" columns="4" size="medium" ids="33262,33260"]  

Qırım Müftiliginde arap tiliniñ “Medine kursı” keçirilecek

Опубликовано:

Qırım Müftiliginde arap tiliniñ "Medine kursı" keçirilecek. "Medine kursı" 5 ay devam ete, 34 dersten ibarettir, ders 75 daqqa devamında keçirile. "C 1 / C 2" seviyesindeki dersler aftada 2 kere ötkerilecek. Diñleyicileriniñ qabul etüvi testlerden soñ olıp keçe. Kurs programması, laqırdı etüv, oquv, yazuv ve nutuqnı añlaya bilmek qabiyeliyetini inkişaf ettirmege yardım ete. Kurslarnıñ maqsadı – keçken yıllar devamında talebeler menimsegen bilgilerni pekitmek, olarnıñ bilgi seviyesini arttırmaq, grammatik konstruktsiyalarnı, til baylığını er künlük ayatta qullanmaq ve arap tilinde oqumağa ve tercime etmege ögrenmektir. Dersler bazarertesi ve cuma künleri saat 17:00 keçirilecek. Kurslarğa 2019 senesi oktâbr 31 kününe qadar yazılmaq mümkün. Derslerge 14 yaşına yetken yigitler ve erkekler qabul etile. Qırım MDİ ocası – filologiya ilimleri doktorı Rustem Memetov. Kurslar - paralı.  Kontaktlar: mob: +79787382312 Whats App / Viber E-mail: rustum-87@mail.ru "Medine kursı" – eñ qolay ve eyi menimsenilgen kurstır. Medine şeeriniñ universitetinde dersler bu usul boyunca alıp barıla. "Medine kursı" arap tiliniñ taşıyıcısı olmağanlar içün  uyğunlaştırılğan. Bu kurs 40 yıl devamında qullanıla ve arap tiliniñ ögrenilüvi saasında öz metodikası ile bellidir. Kurs üç kitaptan ibaret, olarnıñ er biri kölemi boyunca küçük, amma bilgi berüvi ceetinden salmaqlıdır. Kurs programmasına, Quran ve Sunnette qullanılğanı kibi, İslâm ıstılaları ile zemaneviy arap leksikası kirmekte. Kurs, arap tiliniñ esas grammatik qaidelerini meraqlı bir şekilde qaplap ala, böyleliknen, talebege, çoq vaqıt alacaq mahsus ezberlevge acet yoq. Arap tiliniñ "Medine kursı": –     arap tilini esas til olaraq ögrengen 1-4 kurs studentlerine; — iş adamlarına; — tarihçılarğa; — turistlerge; — dünyabaqışını keñleştirmege ve til bilgilerini zenginleştirmege istegenler içün meraqlı olabile. Til kursınıñ soñunda testlerden keçmek kerek olacaq. Eger neticeler güzel olsa, talebe arap tilini bilgeni aqqında sertifikat elde etebilecek. QMDİ matbuat hızmeti

Qırımtatar tili kursları: nevbetteki gruppa tizildi (FOTO)

Опубликовано:

Qırım ve Sevastopol şeeri musulmanları diniy idaresinde, qırımtatar tiliniñ ögrenilüvi boyunca kurslarğa nevbetteki gruppa qabul etildi ve birinci ders olıp keçti. Gruppa, qırımtatar tili – ana tili sayılğan ve qırımtatar tili – tuvğan til olmağan insanlardan ibarettir. Diñleyicilerni Qırım Müftisiniñ muavini Ayder İsmailov hayırladı ve: "Milletniñ hazinesi – oña ait olğan tuvgan tildir. Yañı tilniñ ögrenilüvi, biri-birini daa eyi bilmege, dostane munasebetni qurmağa yardım ete. Bu tilniñ saibi olğan millet ise, ana tilini mıtlaqa bilmeli", dep ayttı. Müfti muavini, diñleyicilerge muvafaqiyetler ve tilni ögrenip, bilgi seviyesini arttırmağa tiledi. Kurs programması, tilni başlanğıç seviyede ögrenmege başlağan talebeler içün tertip etilgen. Bundan da ğayrı, dersler devamında kurs iştirakçileri, qırımtatar tilinde qonuşuv, yazuv ve oquv tecribesini qazanacaq. Derslerni qırımtatar tili ve edebiyatı ocası Tamila Abduveliyeva alıp bara. Dersler aftada eki kere (salı ve cumaqşamı künleri) keçirilecek. Programma 3,5 devam etecek, umumen, 32 ders olacaq. Kurslarnıñ soñunda diñleyicilerge sertifikatlar berilecek. QMDİ matbuat hızmeti [gallery link="file" columns="4" size="medium" ids="33220,33232,33230,33228,33226,33224,33222"]

Qırımda 2019 senesi hacılıq içün esabat berildi (FOTO)

Опубликовано:

Qırım ve Sevastopol şeeri musulmanları diniy idaresinde, Qırım Müftisi hacı Emirali Ablayev, Qırım hac-operatorınıñ reberleri ve 2019 senesi hacılıq ibadetini yerine ketirgen gruppalarınıñ reberleri ile körüşti. Körüşüvde, RF Devlet Dumasınıñ deputatı Ruslan Balbek iştirak etti. AVN-Tur Qırım hac-operatorınıñ reberi Artur Reşitov, hac-operatorınıñ faaliyeti aqqında ve hacılıq nasıl olıp keçkenini tarif etti. Artur Reşitov: "AVN-Tur Qırım hac-operatorı, hacılıqnı güzel seviyede teşkil etti, bu sene biz 975 hacığa hızmet kösterdik. Hacılarğa oñaytlı şarait teşkil etmege tırıştıq. Bu oñaytlı musafirhaneler, uyğun yerleşüv, alışqanımız yemeklerge yaqın olğan aş, Mekke ve Medineniñ muqaddes yerlerine transfer", – dep ayttı ve bu sene, hacılarnıñ bir taqımı içün, qolaylaştırılğan – yani Aqmescit-Moskva-Cidda ve Cidda-Moskva-Aqmescit marşrutı tizilgenini qayd etti. Körüşüv çerçivesinde, taqım reberleri de, hacılıq muvafaqiyetli olıp keçkeni aqqında esabat berip, devletlerara seviyede çezilecek bazı sualler ve tekliflerni seslendirdiler. Taqım reberleri: "Hacılıq devamında büyük qıyınlıqlar olmadı, peyda olğan meseleler tez vaqıtta çezildi, hacılar sağ-selâmet olıp evge qayttı", – dep ayttı. Ruslan Balbek, öz nevbetinde, Qırım Müftiligi ve AVN-Tur şirketi taqımına, hacılarnıñ gruppa reberlerine, birlikte eda etilgen iş, musulmanlarğa telükesizlikni temin etkenleri, hacılırğa diqqat ve üstlerine alğan mesüliet içün, teşekkürler bildirdi. Ruslan Balbek, yardım etmege daima azır olğanını ve ileride, Qırım Cumhuriyetine ayırılğan kvotanıñ arttırılması maqsadınen resmiy ricada bulunacağını bildirdi. Körüşüvniñ soñunda, Qırım Müftisi hacı Emirali Ablayev ve AVN-Tur Qırım hacılıq operatorınıñ reberi Artur Reşitov, Ruslan Balbekke, bahşış olaraq, Mekkede yerleşken, saat mevcut olğan Qırallar Qullesiniñ tıpqısını ediye ettiler. QMDİ matbuat hızmeti [gallery link="file" columns="4" size="medium" ids="33189,33191,33207,33205,33203,33201,33199,33197,33195,33193"]

Din ocaları ile yapılacaq işler muzakreye etildi (FOTO)

Опубликовано:

Qırım Müftisi hacı Emirali Ablayev QMDİ ocalarınen iş körüşüvini keçirdi. İslâm ocalarınıñ er aylıq körüşüvinde yaz tatilleri devamında yapılğan işniñ neticeleri çıqarıldı ve 2019-2020 ss. oquv yılındaki İslâm tasiliniñ perspektivaları muzakere etildi. Toplaşuv çerçivesinde, Qırım Müftisiniñ muavini Ayder İsmailov, Hicretke bağışlanğan lektsiya oqudı ve din bilgileriniñ seviyesi yükseltüviniñ müimligi aqqında subet keçirdi. Ocalar yaz tatilleri devamında çalışqan kurslar ve bala İslâm lageriniñ neticeleri aqqında tarif ettiler. Umumen, yazlıq bala kurslarına 4 – 16 yaşındaki 500 bala qoşuldı. 2019-2020 ss. "Altın nesil" balaları içün İslâm dini esasları boyunca ananeviy yarışlar, qadınlar içün "Hayrunnisa" yarışı ve "Özüñni köster!" bala istidadı festivaliniñ keçirilmesi planlaştırıla. Oquv yılında ayrı diqqat, "Yañı usul" İslâm tasili metodik bölüginiñ inkişafına ayırıla.  "Yañı usul" tarafından mektepten evel çağındaki balalar içün, İslâm dini esasları boyunca 5-ten ziyade yañı qullanma azırlandı ve yaqın zamanda, regionlarda derslerde faydalanmaq içün, küçük tirajnen neşir etilecek. Qırım Müftisi ocalarnı oquv yılınıñ başlanuvı ile hayırlap, olarğa muvafaqiyetler tiledi. QMDİ matbuat hızmeti [gallery link="file" columns="4" size="medium" ids="33136,33134,33132,33130,33128,33126,33124,33122,33120,33118,33116"]

Qırım musulmanları diniy bilgi seviyesini yükseltmek kerek (FOTO)

Опубликовано:

Qırım Müftiliginde cumhuriyet imamlarınen nevbetteki körüşüvi devamında, Qırım Müftisiniñ muavini Ayder İsmailov, Hicretke bağışlanğan lektsiya oqudı, Hicretnen bağlı olğan vaqialar aqqında ikâye etti ve din saasındaki bilgi seviyesiniñ yüksek olmaq kerekligini ve müimligini añlattı. Müfti muavininiñ sözlerine köre, insanlarğa doğru ve aktual bilgi bermek kerek. Ayder İsmailov: "Er ay, mahsus keçirilgen seminarlar ve subetlerden ğayrı, QMDİ hadimleri, diniy erbaplar içün teşkil etilgen seminarlar ve lektsiyalarnen çıqışta buluna. Lektsiyalarımızda biz, din bilgisi meselesine ayrı diqqat ayıramız. Maqsat – er bir musulman içün şart olğan din saasındaki bilgi almaq ve radikalizatsiyanıñ ögüni almaqtır"  – dep qayd etti. İmamlar ve İslâm dini ocaları ile iş körüşüvleri, Müftilikte, muntazam sürette er aynıñ başında keçirile. QMDİ matbuat hızmeti [gallery link="file" columns="4" size="medium" ids="33154,33152,33150,33148,33146,33144,33142,33140"]  

Beslan faciasınıñ hatırasına… (FOTO)

Опубликовано:

Sentâbr 3 künü Aqmescitte, studentler, Beslan şeerinde yüz bergen facianıñ 15-yıllığına bağışlanğan aktsiya keçirdiler. Hatıra aktsiyası S.İ. Georgiyevskiy adına Tibbiyat akadeyamisında olıp keçti. Kebir caminiñ imamı Edem Lümanov toplanğanlar ögünde çıqışta bulundı ve dua oqudı. Edem Lümanov: "2004 senesi sentâbrniñ 1-de yüz bergen deşetli facianı unutmamaq kerekmiz, aqqımız yoq, çünki insaniyetlikniñ eñ qıymetlisi olğan – balalarğa suiqast yapıldı, bu kelecegimizge suiqasttır… Bu deşetli cinayetni yapqanlar da bir vaqıt birinci sınıf talebeleri edi, olar da birinci çañ bayramını qayd etkenler, bu insanlarğa ne oldı? Terrorizm – içtimaiy añnı idare etmek ameliyatı, insanlarnıñ tıştan kelgen tesirge qapınğanı vaziyetlerdir. Cemiyetimizniñ vazifesi – balalarğa maneviy-ahlâqiy qıymetlerni aşlamaq, menfiy tesirge qapınmaycaq aqıllı, fikir etken insanlarnı terbiye etmektir", – dep ayttı. Bundan soñ Edem Lümanov terakt devamında elâk olğanlarnıñ hatırasına dua oqudı. Toplanğan studentler, ocalar, akimiyet vekilleri, arbiyler, devlet hızmetçileri, Beslanda elâk olğanlarnı sükünet daqqası devamında añdılar, soñra ise studentler, Beslanda can bergen balalarnıñ hatırasına avağa 186 beyaz ava topunı yiberdiler. Hatırlatamız, Beslan şeeriniñ 1-sanlı mektebinde, reinlerniñ alınuvı 2004 senesi sentâbrniñ 1-de, oquv yılınıñ başlanuvına bağışlanğan tantanalı tedbirde yüz berdi. Eki yarım kün devamında terroristler, patlav maddeleri qoyulğan binada 1128  insannı (esasen, balalar, olarnıñ ana-babaları, mektep hadimleri) qıyın şaraitlerde qapatıp tuttılar. Üçünci kün, saat 13:05, mektepniñ sport zalında patlavlar yañğıradı. Reinlerniñ ekseriyeti azat etilgenine baqmadan, terakt devamında 314 insan elâk oldı, olardan 186 – balalardır. Cemi olaraq, qurtarıcılarnen beraber 334 insan elâk oldı, 800-den ziyade adam farqlı ağırlıqta yaralandı. QMDİ matbuat hızmeti

Qırım Müftiliginde imamlar toplaşuvı (FOTO)

Опубликовано:

Qırım Musulmanları Diniy İdaresinde regional imamlarnıñ er ay keçirilgen toplaşuvı olıp keçti. İmamlar Hicret ve Aşure kününe bağışlanğan lektsiyanı diñlediler. Bundan soñ, diniy erbaplarnen Qırım Müftisi hacı Emirali Ablayev körüşti. İmamlar keçken ay devamında yapılğan işler içün esabat berdi, rayonlarda Qurban bayramınıñ keçirilüvi aqqında tarif ettiler, bundan da ğayrı, camilerniñ resmiyleştirilüvi, mesken-kommunal hızmeti ile añlaşmalarnıñ müddeti kibi meselelerni muzakere ettiler. Rayon imamlarınıñ toplaşuvı devamında, regionlarda, "Köy medresesi" leyhası çerçivesinde yerli sakinler ve diniy bilgi almağa istegenler içün diniy kurslar açmağa qarar alındı. Qırım Müftisi, imamlarğa, regionlarda muvafaqiyetli çalışmalar tilep, oquv yılınıñ başlanuvı ile hayırladı. QMDİ matbuat hızmeti [gallery link="file" columns="4" size="medium" ids="33100,33098,33096,33094,33092,33090,33088,33086,33084,33082"]

«Büllür» Birleşmesiniñ destegi

Опубликовано:

"Büllür" Qırım musulman qadınları cemaat Birleşmesi, Qırım ve Sevastopol şeeri usulmanları Diniy İdaresiniñ destegi ile, çoqbalalı, muhtac ve tolu olmağan qorantalarnıñ balalarını mektepke azırlamaq içün aktsiya keçirdi. "Büllür" teşkilâtı içtimaiy ağlarda teşkil etken açıq toplav çerçivesinde 103 biñ ruble toplandı, bundan da ğayrı, yardımcı tarafından 50 biñ ruble berildi. Bütün Qırım boyunca 30 qorantağa – bu cümleden, Aqmescit, Eski Qırım, Canköy, Cürçi, Sudaq, Qarasuvbazar, Bağçasaray, İslâm Terek, Aqmeçit rayonlarında yaşağan balalarğa destek kösterildi. Ekseriy allarda, bu – çoq balalı, yani 3-4 balalı qorantalardır. Teşkilâtçılarnıñ sözlerine köre, teşkil etilgen aktsiya pek müimdir. Teşkilâtçılar: "Biz milletimizni tasil körgen ve oqmuşlı körmege isteymiz, amma bazıda turmuş ve maddiy qıyınlıqlar sebebinden balalarnıñ oquv ceryanı manialarğa rastkele. İnşallah, Allah sadaqalarnı qabul eter ve balalarğa eyi bilgi,  ıntıluv, Qırımnıñ parlaq kelecegi oğrunda çalışmağa istek berir", - dep qayd ettiler. QMDİ matbuat hızmeti

Balalar içün ingliz tili kursları

Опубликовано:

Qırım ve Sevastopol şeeri musulmanları diniy idaresiniñ «Faydalı ilim» oqutuv-maarif merkezinde balalar içün ingliz tili boyunca yañı gruppalarnıñ açıluvı ilân etile. Birinci taqımğa – 6-9 yaşındaki balalar, ekinci gruppağa ise 10-13 yaşındaki balalar davet etile. Dersler er cumaaqşamı ve bazar künleri saat 10:00 - 11:00 qadar, ekinci gruppa içün ise, saat 11:00-12:00 qadar keçirilecek. Yazılmaq içün telefon nomerası: +7978 143 0507. Birinci ders 2019 senesi  sentâbr 07 künü ötkerilecek. Adres: Aqmescit ş., Pobeda caddesi, 128, «Faydalı ilim» oqutuv merkezi. QMDİ matbuat hızmeti